羲和雅苑

Open Now

Now Closed

今日一家人慶祝母親節，預早在Openrice訂左北京人氣烤鴨店，可以一邊欣賞維多利亞海景，一邊享受精致既中國菜，實在係人生樂事。羲和馳名烤鴨：烤鴨由師傅即席切片，分為鴨胸皮、鴨胸肉和鴨腿肉三個部位，店員詳細介紹三種嶄新食法，分別蘸上藍莓醬、爆炸糖、特製芥末醬、甜麵醬、洋蔥條、黃瓜條、蔥絲、山渣條，令我哋品嘗到烤鴨既不同風味。羲和小肉餅：肉餅肉質軟腍，沾上醋汁一齊食，更是美味。蒜蓉粉絲蒸娃娃菜：蒜蓉配娃娃菜，超級惹味。黑松露蠔仔煎蛋：蛋香又滑溜，帶出蠔仔既鮮味，仲有黑松露醬點綴，更顯高貴。櫻花蝦蟹籽海皇炒飯：材料有櫻花蝦、蝦肉、蛋絲、菜粒和蔥花，飯炒得十分香口，飯面再蓋上一堆蟹籽，飯香撲鼻。宮廷紅豆糕：成個雀籠上枱，紅豆糕甜味適中。整體而言，食材水準高，環境優美，係晚飯聚餐既好選擇。