廚十三老壇酸菜魚 (太子集團中心) (Closed)

🥺太耐無見班中學同學，約埋一齊去尖沙咀食好西順便聚一聚。💕推介 酥炸無臉男即係豬肉條，會另外配辣椒粉，豬肉條香脆可口，而辣粉只有微辣點埋一齊食滋味加倍。💕推介 麻辣豬耳仔同蔥油撈豬肚，豬耳仔好爽口清脆而且係麻辣味，好惹味！豬肚質地軟腍無異味而且清得好乾淨，蔥油拌有另一番風味。💕推介棒棒雞每件都好厚肉，雞肉嫩滑雞味濃郁，辣油好多一啲唔吝嗇，加入芝麻花生令香味倍增，色香味俱全！💝💝總結: 餐廳食物味道惹味，店員服務態度親切，環境乾淨舒適。