Video
Read full review
2023-11-24
67 views
呢個星期工作比較忙，所以決定今日要食好西，就揀左尖沙咀的Attic Handmade Pasta。呢道當然主打手工意粉，同時聽講Appetizer質素都唔錯，另外仲有西班牙紅蝦餐。<香煎法國鵝肝‧日式醬油漬溏心蛋黃多士‧醋漬青提子‧青蘋果蓉>上枱後擺盤好似藝術品咁，只係睇菜式名就知食材豐富同有心思。法國鵝肝入口即溶，配上蘋果蓉可以解膩。日式醬油漬溏心蛋黃味道濃郁，配埋脆芝麻多士岩岩好。最後品嘗埋醋漬青提子，呢碟頭盤好似已經完成一個Course。<神石榴醋橘汁醃海鮮‧油甘魚‧北海道帶子‧西班牙八爪魚>首先要讚的係刺身好新鮮，唔會有任何腥味之餘，肉質尤其八爪魚非常彈牙。而石榴醋橘汁增加酸甜的味道，夠晒開胃，同時增加頭盤鮮艷的顏色。<南瓜湯>南瓜湯以為無乜野需要點評，但都幾喜出望外，口感比較Creamy，有好濃的南瓜同忌廉的味道，配上一口脆麵包一絕。<意式手工千層麵>終於輪到今日的主菜，就係手工意粉，首先試意式手工千層麵。手工意粉精粹在於Al Dente，同埋會根據客人唔同意見，甚至當天天氣而做成獨特的口味同質感，千層面夠薄，所
<香煎法國鵝肝‧日式醬油漬溏心蛋黃多士‧醋漬青提子‧青蘋果蓉>
上枱後擺盤好似藝術品咁，只係睇菜式名就知食材豐富同有心思。法國鵝肝入口即溶，配上蘋果蓉可以解膩。日式醬油漬溏心蛋黃味道濃郁，配埋脆芝麻多士岩岩好。最後品嘗埋醋漬青提子，呢碟頭盤好似已經完成一個Course。
<神石榴醋橘汁醃海鮮‧油甘魚‧北海道帶子‧西班牙八爪魚>
首先要讚的係刺身好新鮮，唔會有任何腥味之餘，肉質尤其八爪魚非常彈牙。而石榴醋橘汁增加酸甜的味道，夠晒開胃，同時增加頭盤鮮艷的顏色。
<南瓜湯>
南瓜湯以為無乜野需要點評，但都幾喜出望外，口感比較Creamy，有好濃的南瓜同忌廉的味道，配上一口脆麵包一絕。
<意式手工千層麵>
終於輪到今日的主菜，就係手工意粉，首先試意式手工千層麵。手工意粉精粹在於Al Dente，同埋會根據客人唔同意見，甚至當天天氣而做成獨特的口味同質感，千層面夠薄，所以食落去個口感啱啱好。呢度的意式千層麵可以揀三款口味、分別係青醬、牛面肉肉醬同埋水牛芝士白醬。今次就揀左牛面肉肉醬，佢唔係免治牛肉，而係會有肉塊，而用左牛面肉所以肉質好諗。
<威尼斯鴨肉醬手打闊條意粉>
用鴨肉醬比較少有，食落去唔會有鴨酥味，但比牛肉醬多左份鴨油香，配上闊條意粉相當掛汁，加埋鴨肉同油香相當惹味。
Post
