樂園魚蛋粉

Open Now

Now Closed

星期六喺尖沙咀想食早餐，經過金馬倫道街頭，竟然比我見到有魚蛋粉食，門口仲寫住撐港人有外賣優惠，咁有良心，即刻拉住個friend衝入去！舖頭環境好似舊式粉麵店，好local，勁有街坊feel，價錢公道，食碗粉都唔使$50 ，喺尖沙咀嚟講都算便宜！小朋友才做選擇，我就叫咗碗最多餸嘅四寶米，跟餐加油菜同凍啡。朋友就叫碗牛雜米同凍檸茶。四寶米魚皮餃、魚蛋、豬肉丸同埋墨魚丸，估唔到魚皮餃同魚蛋都有兩粒，性價比絕對高！魚皮餃食落煙銀蛋牙，魚蛋就係潮州白魚蛋，淋身果隻！跟餐加個碟生菜都好大碟，同朋友share食都食唔晒！買單仲唔使$90 ，真係好抵！