Video
Read full review
2023-03-02
110 views
尖沙咀足料四格火鍋推介🍲花月宮📍尖沙咀金巴利道68號2樓➰好歌推介「除非我有預知的超能力，能趁疫症不猖獗時的秋天，如常邀約你去洛磯山多瑙河休假充電。」#時光倒流一句話 #林家謙➰2023年2月28日，香港終於宣佈唔洗再帶口罩，歷時3年嘅抗疫時代終於都畫上句號進入下一個階段，拋開依幾年民不聊生光怪陸離嘅種種不說，單單係市民餐風露宿無堂食嘅日子都仲係歷歷在目點滴在心頭。🥲此時此刻，我二話不說即刻相約朋友決定今晚去食返餐好嘅慶祝下，最後揀左依間係尖沙咀新開嘅火鍋店，見到網上訂座仲做緊優惠添。🥳餐廳距離尖東同佐敦站都大概10分鐘路程，嚟到餐廳門口，見到擺放咗好多招財貓嘅擺設，非常趣緻，令人眼前一亮。餐廳裝修間隔闊落，走典雅風格，配合柔和燈光令人感覺放鬆，可以同朋友開懷暢談，就座後店員隨即簡介一下餐廳火鍋湯底及放低醬料。✥湯底𖥕花月宮特色四格鍋 💲268 ⭐️4.2/5⭐️選擇困難症嘅我地面對眾多款式湯底都心大心細，最後覺得揀依個四格鍋最好，入面有齊花膠醉雞﹑蕃茄海鮮﹑黑松露野菌﹑四川麻辣湯底，打算先飲一碗花膠雞湯滋潤下再試唔同配料唔同湯底，一次過滿足哂多個選擇。火鍋上枱好搶眼，材料份量十足，每格
花月宮
📍尖沙咀金巴利道68號2樓
➰好歌推介
「除非我有預知的超能力，能趁疫症不猖獗時的秋天，如常邀約你去洛磯山多瑙河休假充電。」
#時光倒流一句話 #林家謙
➰
2023年2月28日，香港終於宣佈唔洗再帶口罩，歷時3年嘅抗疫時代終於都畫上句號進入下一個階段，拋開依幾年民不聊生光怪陸離嘅種種不說，單單係市民餐風露宿無堂食嘅日子都仲係歷歷在目點滴在心頭。🥲
此時此刻，我二話不說即刻相約朋友決定今晚去食返餐好嘅慶祝下，最後揀左依間係尖沙咀新開嘅火鍋店，見到網上訂座仲做緊優惠添。🥳
餐廳距離尖東同佐敦站都大概10分鐘路程，嚟到餐廳門口，見到擺放咗好多招財貓嘅擺設，非常趣緻，令人眼前一亮。餐廳裝修間隔闊落，走典雅風格，配合柔和燈光令人感覺放鬆，可以同朋友開懷暢談，就座後店員隨即簡介一下餐廳火鍋湯底及放低醬料。
✥湯底
𖥕花月宮特色四格鍋 💲268 ⭐️4.2/5⭐️
選擇困難症嘅我地面對眾多款式湯底都心大心細，最後覺得揀依個四格鍋最好，入面有齊花膠醉雞﹑蕃茄海鮮﹑黑松露野菌﹑四川麻辣湯底，打算先飲一碗花膠雞湯滋潤下再試唔同配料唔同湯底，一次過滿足哂多個選擇。
火鍋上枱好搶眼，材料份量十足，每格湯底都絕不馬虎，除左特別附上嘅花膠同醉雞之外，一格滿滿嘅野菌鍋都非常慷慨，最有驚喜係蕃茄湯底真係有大量海鮮配料，十分足料。😋
花月宮特色四格鍋
0 views
0 likes
0 comments
花月宮特色四格鍋
4 views
0 likes
0 comments
花月宮特色四格鍋
1 views
0 likes
0 comments
✥肉類
𖥕本地手切新鮮頂級騸牯牛頸脊 💲368 ⭐️4/5⭐️
牛頸脊肉紋油脂分佈均勻，餐廳仲好貼心咁提示埋灼15秒時間即可食用，入口有口感肉味濃郁，唔錯。
𖥕薄切牛舌芯 💲88 ⭐️4.2/5⭐️
牛舌芯擺盤頗為精緻，入口爽嫩有口感，牛舌控表示非常鐘意。😋
薄切牛舌芯
3 views
0 likes
0 comments
𖥕牛將軍拼盤 💲188 ⭐️4/5⭐️
拼盤有平時少見嘅牛黃喉﹑牛胸爽同黑柏葉，黃喉非常爽脆，鐘意有咬口嘅朋友推薦一試，牛胸爽就適合配上一塊牛頸脊或者牛舌一齊入口，增加層次感，亦都唔錯。
牛將軍拼盤
19 views
0 likes
0 comments
✥丸類
𖥕風花雪月手打丸拼盤(12粒) 💲168 ⭐️4.1/5⭐️
擺盤精緻吸睛，除左食開嘅手打蝦丸墨魚丸之外，比較特色嘅有手打鮑魚丸同干貝丸，前者有鮑魚粒入口煙韌後者有絲絲干貝，都係比較新奇有趣嘅滋味，推介一試。😋
風花雪月手打丸拼盤
4 views
0 likes
0 comments
✥飲品
𖥕Suntory Premium 380ml💲58⭐️4.1/5⭐️
打邊爐最緊要個爐之外當然係酒，餐廳有多款酒類供應，見到Suntory生啤更加即刻飲返杯添。😋
𖥕生力限量版朱古力黑拉啤酒💲24 ⭐️4/5⭐️
第一次見幾特別，入口真係有朱古力味同偏甜，酒精味唔重，易入口，女仔都啱飲。😛
生力限量版朱古力黑拉啤酒
9 views
0 likes
0 comments
➰總結
餐廳新張營業，鋪面裝修令人感覺舒適用餐環境乾淨企理，店員不時幫手收碟加湯都幾細心，四格火鍋湯底好有驚喜，材料十分豐富，一個湯底都已經有4,5樣配料份量，非常高性價比，推薦比想打邊爐嘅朋友嚟試下依間新開火鍋店。🥳
Post
