SAVVY

如果鍾意飲番杯，又想係舒適嘅環境食番餐，咁今次介紹嘅「SAVVY」就啱哂你地。入到餐廳首先會見到互動式大屏幕和酒吧，穿過酒吧就會到達食晚餐嘅地方，佔地8000尺，坐得勁闊落又唔使同人哋迫。SAWY 特色分享餐單（四人用）$395 per person「虹吸」泰式大頭蝦冬蔭功平時飲咖啡就成日見到虹吸式，估唔到今次嘅湯底都會用上咁創新嘅煮法。由韓籍靚仔親自用火槍即蓆烹調，湯汁經過壓力混合香茅和其他香草嘅味道，酸中又帶辣，作為開胃菜就啱晒。印尼沙嗲串｜印尼囉雜沙律｜酥炸軟殼蟹配越式咖哩用咗大形嘅東南亞特色嘅竹籃，沙嗲串會有雞和牛兩串，夠晒火候又充滿沙嗲味。而印尼沙律入面就有青芒果、炸豆腐和青瓜等等，清下喉嚨就可以準備下一道菜。而軟殼蟹用左酥炸方式，炸皮夠薄身和脆，配搭甜中帶辣嘅越式咖喱好過癮。日式鰻魚便當充滿油光嘅靚鰻魚，外層沾上醬汁燒到香脆，入口啖啖嘅魚鮨嘅甜味。帶子大蝦炒飯飯粒夠晒鑊氣炒到粒粒分明，但粒入面仲有帶子同埋鮮蝦。澳洲M5和牛西冷扒達到M5級嘅肉質油脂味相當濃厚，入口即溶夠軟腍。