Video
Read full review
2021-06-22
56 views
放假隨左想搵好食既餐廳之外，有時會想搵一啲酒吧餐廳，小斟一杯，今次黎到尖沙咀廣東道附近搵食，搵到一間環境唔錯可以Chill Chill既餐廳。呢間Whatever Bar & Restaurant係一間酒吧餐廳，主打西式主食，餐廳係海港城對面，位於廣東道流尚坊，位置幾方便，平時行過都唔覺呢幢商業大廈有餐廳，自從酒吧有限度開放，都好小飲酒，今次終於有機會可以小斟一杯。餐廳面積不大，以黑色為主調，裝修精心佈置有格調，新潮型格得黎又chill，吧枱位置嘅霓虹燈非常搶眼，寫住「人間煙火」，會諗起陳奕迅既歌詞「離時代遠遠，沒人間煙火，毫無代價唱最幸福的歌，願我可」，都會諗起俗語有曰：「不食人間煙火」，美食當前，點可以唔食人間煙火。除左霓虹燈招牌外，仲見到唔小老闆唔小既藝術收藏品，好似壁畫同bearbrick、kaws，絕都係比大家影相打卡。餐廳有分室內、室外位置，室外露天位比室內開揚，可以吸煙或者shisha，感受一下城市既繁忙，不過如果落雨就唔會開放，整體環境舒服，適合同朋友食下野傾吓計飲下酒。睇過Menu，餐廳好似岩岩出新Menu，價錢算中價，野食種類幾多，有提供前菜、pizza、小食、意粉
放假隨左想搵好食既餐廳之外，有時會想搵一啲酒吧餐廳，小斟一杯，今次黎到尖沙咀廣東道附近搵食，搵到一間環境唔錯可以Chill Chill既餐廳。
呢間Whatever Bar & Restaurant係一間酒吧餐廳，主打西式主食，餐廳係海港城對面，位於廣東道流尚坊，位置幾方便，平時行過都唔覺呢幢商業大廈有餐廳，自從酒吧有限度開放，都好小飲酒，今次終於有機會可以小斟一杯。
餐廳面積不大，以黑色為主調，裝修精心佈置有格調，新潮型格得黎又chill，吧枱位置嘅霓虹燈非常搶眼，寫住「人間煙火」，會諗起陳奕迅既歌詞「離時代遠遠，沒人間煙火，毫無代價唱最幸福的歌，願我可」，都會諗起俗語有曰：「不食人間煙火」，美食當前，點可以唔食人間煙火。除左霓虹燈招牌外，仲見到唔小老闆唔小既藝術收藏品，好似壁畫同bearbrick、kaws，絕都係比大家影相打卡。
餐廳有分室內、室外位置，室外露天位比室內開揚，可以吸煙或者shisha，感受一下城市既繁忙，不過如果落雨就唔會開放，整體環境舒服，適合同朋友食下野傾吓計飲下酒。
睇過Menu，餐廳好似岩岩出新Menu，價錢算中價，野食種類幾多，有提供前菜、pizza、小食、意粉、意大利飯、主食、漢堡、甜品，飲品有汽水、果汁、咖啡茶、Mocktail、啤酒、Cocktail、紅白酒、威士忌。
店員熱心推薦野食比我，最後叫左一個小食、一個意大利飯、一個甜品同一杯Cocktail。
-
1️⃣ 香煎蟹餅 💰128（👅: 8/10）
香煎蟹餅
$128
2 views
1 likes
0 comments
一上枱冒會聞到小小蟹味，食落小小驚喜，蟹肉幾飽滿扎實，鮮味十足，見到餅上面會有少小蟹膏，食落蟹味更濃郁，蟹味係口腔停留，略嫌蟹肉可以再juicy同creamy啲，同埋如果奶油香同鹹香味更重會更好，食完會不自覺同Ruth's Chris既蟹餅比較。下面塊多士咬落香脆，同蟹肉一齊食，口感豐富，配搭得宜。同塔塔醬、沙律菜一齊食，有解膩作用。
-
2️⃣⃣ 挪威煙三文魚牛油果意大利飯 💰148（👅: 8/10）
挪威煙三文魚牛油果意大利飯
$148
6 views
1 likes
0 comments
上碟非常精緻，可以見到有半個已經切片嘅牛油果同埋好多塊那威三文魚喺意大利飯上面，非常足料，依個意大利飯睇落好大，其實份量唔會話好多，因為意大利飯厚度唔算厚。
意大利飯唔會煮到熟曬，有啲半山熟，控制得啱啱好，咬落有嚼勁，每一粒飯都係粒粒分明，而且索晒啲白汁，配上煙三文魚和牛油果，配搭得宜。
牛油果熟度啱啱好，食落夠creamy，即使我唔係特別鍾意牛油果都食晒，成個飯食落唔會太膩，輕盈得黎好吃，飯上面會有啲煙肉粒，食起嚟有鹹香，而且口感更添豐富，不過如果再脆啲會更好。
-
3️⃣ 水信玄餅配雜莓醬 💰88（👅: 8/10）
水信玄餅配雜莓醬
$88
2 views
1 likes
0 comments
水信玄餅，有人會叫雨滴蛋糕，係來自日本山梨縣北杜市，用當地赤石山脈既水所製成，係一種得夏季先有既甜品，通常只可以保持30分鐘既固體形狀，所以要堂食無得外賣，香港唔係好多地方有得食，但我又係一間大角咀嘅甜品舖食過，水信玄餅大小正常，同我之前食過嘅差唔多，外表係一大舊無色既果凍，晶瑩剔透，打卡一流，入邊會見到包住藍莓同士多啤梨粒。
水信玄餅食落好似啫喱咁Q彈，食落冰涼軟滑，有天然既甜味，日本傳統食法係會灑黃豆粉同淋黑糖糖漿，而餐廳今次提供士多啤梨醬同日本清酒倒入去一齊食，如果淨係倒士多啤梨醬，食落有啲甜，酸酸甜甜幾清新，以為會同日本酒唔夾，點知原來sake係會中和左士多啤梨醬既甜，清酒味唔算好勁，食落唔會話嗆口，建議落咗士多啤梨醬，食完再落少少清酒一試。
-
🍹 Shiva 💰118（👅: 8/10）
Shiva
$118
1 views
1 likes
0 comments
嘅一杯Cocktail係餐廳嘅招牌，由白rum酒、熱情果、蘋果汁、薑味麥芽酒同青檸汁等調製而成。因為加左Blue Curacao Liqueur ，成杯藍藍綠綠好有夏日感覺，打卡一流。飲落冰涼清新，果味濃郁，青檸味較突出，微甜得黎有酸味，好易入口，不過酒精比較濃啲，後勁較強，所以飲左一半個人已經熱熱地，不過解膩一流。
-
🌟整體來講，食物質素正常，不過唔算話好大驚喜，不過嘢食種類夠多，Cocktail同Mocktail款式非常多，睇得又飲得，而且勝在環境夠chill，有室外位置，可以邊食嘢邊飲嘢，望住繁忙既廣東道。餐廳唔算好大，人流唔算多，夜晚望住霓虹燈或者鬧市應該更有氣氛。店員服務親切友善，會主動講解嘢食甚至係食法，或者推介嘢食，係一次唔錯嘅用餐體驗。
-
👅味道: 8/10
🍴環境: 8/10
💰消費: $442 (服務費: NA)
Post
