The Pearl

樓上西餐廳位於瑞生酒店入面，型格既裝修，可以坐係吧檯位置睇住睇調酒師調酒，氣氛亦都滿分，好啱一班朋友或者情侶去。無花果帕馬火腿沙律帕馬火腿改配蜜瓜，巴馬臣芝士, 松子仁, 再係個面加黑醋橄欖油汁，層次豐富。吞拿魚牛油果泡沫他他配自製羅勒油將牛油果打成泡沫再加檸檬汁，令味道帶酸，再同吞拿魚一齊食，整體好夾，亦都令成個口感更加嫰滑。和風醬油大蝦煙肉扁意粉大蝦大隻彈牙，扁意粉連埋煙肉一齊食，增加左個咬口，而調味亦都鮮味，唔會過咸。香煎牛封門柳牛肉色澤好靚，肉味亦都濃郁，配埋自家制青醬，令都成個口感好清新。就連配菜薯蓉都香滑有驚喜。Rosy Romance無酒精mocktail，用冷泡玫瑰茶加蘋果汁蜜糖，玫瑰茶味好出。Passionate Night 葡萄汁加熱情果糖漿調配，味道較甜。