我愛慢煮 (Under Renovation)

尖沙咀一向都好多野食，如果想性價比高，又可以瘋狂打卡嘅話，我愛慢煮就啱晒了。餐廳行露營⛺️風，有好多打卡位，有置身於户外野餐嘅感覺，燈光昏暗，兩口子共進晚餐都幾浪漫。🐥水牛城雞翼(5PC)有五隻單骨雞翼，炸至外脆，仲有肉汁，酸甜辣嘅醬汁令人十分開胃，唔錯！🐷美式蜜糖芥末豬仔脾豬脾好軟嫩，Bbq醬嘅酸甜配蜜糖芥末醬又真同豬脾幾夾，個豬脾肉好軟嫩，慢煮岀嚟嘅肉真係唔同啲！🦢法式油封鴨脾(IPC)大隻鴨脾，個皮帶少少脆，油封過後嘅鴨脾可以保留水分和風味，油脂不會滲透到食材中，質地香軟可口，食起來卻不油膩，鴨肉鮮味令人難忘。🐷加拿大保濕豬鞍(12安士）好好食呀，厚切，一端岀來已索到香烤肉味，令人食指大動，豬鞍半肥瘦，肉質軟腍，入口𡁻兩下就呑得，一啲都唔嚡口，好驚喜！明太子海鮮意粉有青口，蝦，同魷魚，個汁味道香濃，但杰身左少少🤏，意粉好掛汁。我地要了兩款甜品，日式綠茶紅豆比利時窩夫配雪糕，窩夫🧇口感脆中帶實，打開仲有滿滿嘅軟糯紅豆，都幾飽肚，朱古力布朗尼蛋糕軟身，雪糕要了玄米茶同曲奇，兩款都唔錯。熱情果芒果特飲冰凍解渴，味道都幾清新，芒果同熱情果都幾夾，推介。