雲香園小鍋米線

Open Now

Now Closed

路過尖沙咀，想食返碗米線，發現喺漆咸圍嘅小路有一間都幾多人幫襯嘅米線鋪，於是入去試下。入面嘅米線款式同餸菜選擇都算多，另外仲有啲小食可以試下。今次試左熱拌米線，本身上檯時啲汁已經撈得好勻，另外仲有配料例如酸菜、榨菜、花生、肉碎等等，好足料！揀左小小辣，味道唔算好酸好辣但係夠味，都幾開胃。餸就揀左豬軟骨、魚肉春卷同雲吞，豬軟骨肉炆得夠火候，而春卷都唔錯。朋友叫左小鍋米線，湯底都幾正宗，夠酸夠辣好惹味。餸就揀左豬頸肉、豬紅、豬肚，台灣腸非常入味，其中豬頸肉同豬肚都好入味，而台灣腸都係坊間比較少有嘅選擇。小食叫左蒜泥白肉，蒜泥同辣油調配得好香，而豬肉亦都切得薄，每一啖都好香好惹味！飲品就有港式飲品同汽水，奶茶夠香滑，而菊花蜜就比較少有，幾滋補！