Video
Read full review
2021-07-28
510 views
成日去尖沙咀都唔知有咩好食，行過見到呢間Cafe都幾文青，冇乜人，位置都好偏僻，今次就試一試佢啦！Dinner set for two $358 (再收加一服務費)🍴 餐包配黑醋油餐包有淡淡意式香草味，都幾鬆軟，加埋個黑醋，酸酸地都幾開胃，但係表面層油太厚，點極都淨係點到層油😂🍴松露湯松露超級香濃，奶油味唔出，湯非常濃稠，有多種菇製成，飲得出真材實料，好好飲！🍴鴨肝多士伴意大利黑醋多士好脆，鴨肝煎到金黃色，味道都好香濃，加埋個黑醋酸酸哋，中和左鴨肝嘅油膩。🍴松葉蟹膏蟹肉手製闊蛋麵意粉食得出真係手製㗎🤩麵係偏硬身，蛋香味好濃，口感煙韌彈牙，闊麵特別有口感，都算係食過最好食嘅手製意粉！蟹膏味真係好香濃，好出，好似食緊新鮮蟹膏咁，意粉入邊仲有絲絲蟹肉，成個感覺好match好好食！🍴阿根廷紅蝦手制幼蛋麵伴鮮制龍蝦醬意粉一樣係咁好食，但比起闊麵，幼麵就比較輕盈少少，口感light啲，蛋香味好濃好彈牙，個阿根廷紅蝦真係好有驚喜，蝦味好香，肉質未到彈牙但都結實，蝦頭嘅蝦膏好香濃，個龍蝦醬就比較淡，但整體感覺食落都好fresh，唔會好膩。☕️Hot Cappuccino 咖啡味超香，咖啡味道偏酸但苦，好
Dinner set for two $358 (再收加一服務費)
🍴 餐包配黑醋油
餐包有淡淡意式香草味，都幾鬆軟，加埋個黑醋，酸酸地都幾開胃，但係表面層油太厚，點極都淨係點到層油😂
🍴松露湯
松露超級香濃，奶油味唔出，湯非常濃稠，有多種菇製成，飲得出真材實料，好好飲！
🍴鴨肝多士伴意大利黑醋
多士好脆，鴨肝煎到金黃色，味道都好香濃，加埋個黑醋酸酸哋，中和左鴨肝嘅油膩。
🍴松葉蟹膏蟹肉手製闊蛋麵
意粉食得出真係手製㗎🤩麵係偏硬身，蛋香味好濃，口感煙韌彈牙，闊麵特別有口感，都算係食過最好食嘅手製意粉！蟹膏味真係好香濃，好出，好似食緊新鮮蟹膏咁，意粉入邊仲有絲絲蟹肉，成個感覺好match好好食！
🍴阿根廷紅蝦手制幼蛋麵伴鮮制龍蝦醬
意粉一樣係咁好食，但比起闊麵，幼麵就比較輕盈少少，口感light啲，蛋香味好濃好彈牙，個阿根廷紅蝦真係好有驚喜，蝦味好香，肉質未到彈牙但都結實，蝦頭嘅蝦膏好香濃，個龍蝦醬就比較淡，但整體感覺食落都好fresh，唔會好膩。
☕️Hot Cappuccino
咖啡味超香，咖啡味道偏酸但苦，好特別，奶泡都打得細滑，冇落糖都好好飲！
☕️Iced Mocha
咖啡味都香，但有少少黑朱古力嘅味道，但係朱古力味就唔係好濃，唔會太甜，比較容易入口。
推薦指數: 9/10
成個set嘅嘢食都好好食，超高質素，可以食到每一樣野都非常之用心去做，真心好推介呢間Cafe，$400唔使食到咁多嘢，而且每一樣野都好食，仲要係尖沙咀地段，真係超級值得！
Post
