Video
Read full review
2024-05-28
358 views
漆咸道南呢間隱世樓上餐廳唔係有熟人帶路都真係走寶啊. 餐廳環境又靚又舒適好開陽仲有戶外位，重點係食得有營，食材用全天然無激素肉，蔬菜大部份係有機，連香草都係自家種植. 最正嘅係冇限時可以盡情同朋友吹水. 價錢唔貴食物賣相都好好. 坐低先叫兩杯飲品. 試咗Virgin Mojito 同Fruitology. 賣相一流.前者用上自家種植薄荷葉混合青檸汁、蔗糖、梳打水等、味道酸酸甜甜好清新開胃. 後者味道似雜果賓治，用上新鮮西柚口味更加清爽. ⭐️白酒煮大蜆配蒜蓉包 蜆肉肥美味道好鮮散發出白酒香氣，醬汁仲有牛油、蒜蓉、蕃茄等，嗒落好鮮甜㗎. 蒜蓉包烤得香口惹味，仲有迷迭香增添香氣. ⭐️串燒拼盤 🍡🍡種類超級豐富，除咗肉串、薯條、香腸等常見款式，仲有燒魷魚同埋煙肉荔枝. 全部高質，高水準之作💯⭐️鲜帶子檸檬意大利飯配黑松露🇮🇹🍚大大粒帶子作點綴，配埋香濃黑松露引人入勝. 意大利飯軟硬度適中，混合咗檸檬汁令到口感更輕盈，飯亦夾雜醉帶子肉，口感豐富. 餐廳位置比較隱蔽又冇擺廣告牌，所以除咗附近返工嘅都好少有Walk in客，人流比較靜環境清幽而且唔限時真係好啱想同朋友傾偈慶祝完全唔怕俾人趕. 店員好
坐低先叫兩杯飲品. 試咗Virgin Mojito 同
Fruitology. 賣相一流.前者用上自家種植薄荷葉混合青檸汁、蔗糖、梳打水等、味道酸酸甜甜好清新開胃. 後者味道似雜果賓治，用上新鮮西柚口味更加清爽.
⭐️白酒煮大蜆配蒜蓉包
蜆肉肥美味道好鮮散發出白酒香氣，醬汁仲有牛油、蒜蓉、蕃茄等，嗒落好鮮甜㗎. 蒜蓉包烤得香口惹味，仲有迷迭香增添香氣.
⭐️串燒拼盤 🍡🍡
種類超級豐富，除咗肉串、薯條、香腸等常見款式，仲有燒魷魚同埋煙肉荔枝. 全部高質，高水準之作💯
⭐️鲜帶子檸檬意大利飯配黑松露🇮🇹🍚
大大粒帶子作點綴，配埋香濃黑松露引人入勝. 意大利飯軟硬度適中，混合咗檸檬汁令到口感更輕盈，飯亦夾雜醉帶子肉，口感豐富.
餐廳位置比較隱蔽又冇擺廣告牌，所以除咗附近返工嘅都好少有Walk in客，人流比較靜環境清幽而且唔限時真係好啱想同朋友傾偈慶祝完全唔怕俾人趕. 店員好好人都有詳細講解菜式同食材. 如果有需要包場慶祝吓搞活動記得WhatsApp佢哋問吓啦.
10 views
0 likes
0 comments
6 views
0 likes
0 comments
1 views
0 likes
0 comments
2 views
0 likes
0 comments
2 views
0 likes
0 comments
1 views
0 likes
0 comments
0 views
0 likes
0 comments
Post
