La BASE HK

Open Now

Now Closed

近排搞掂左幾單大野，決定要好好地獎勵自己，順手帶埋媽媽食好西，就揀左呢間靚靚打卡餐廳🥰餐廳響尖東P3一出就到，地點好方便，店內裝修都幾有心思，室內走典雅路線，室外就有靚靚打卡位，野食足料又好味，食到超滿足😋❀串燒拼盤❀有煙肉荔枝串、霜降牛肉粒、泰式豬頸肉、燒魷魚&雞肉串，好多款肉，好豐富，當中煙肉荔枝串最有驚喜，食落甜甜地，中和左煙肉嘅肥膩感，燒魷魚個燒汁辣辣地又惹味。❀三文魚忌廉菠菜意大利扁麵❀大大粒三文魚配上濃郁忌廉汁，菠菜吸哂忌廉汁煮到好腍，意大利扁麵份量好多，2個人share都飽飽地。❀烤純種極黑豚豬鞍❀厚切黑豚豬鞍扒份量十足，油脂含量較低，肉質嫩得黎又有咬口，簡單調味已經好好食。❀Tiramisu❀純人手打cream，冇加魚膠粉，食落口好驚艷，個cream超級幼滑，帶有陣陣咖啡香味，甜而不膩。ʕ•ﻌ•ʔTrue Blue用上黑加侖子汁製成，純天然冇加色素，又靚又好飲，面頭隻熊仔冇味的，影相都幾好睇。ʕ•ɷ•ʔTangy Rogue另一杯熊仔特飲係士多啤梨梳打，味道酸酸甜甜。