Garden Bar & Restaurant

Open Now

Now Closed

今日放工朋友帶我去尖沙咀一間好友特色嘅酒吧餐廳，田園風格、再加上時尚酒吧嘅裝修，感覺像石屎森林裏面嘅一個後花園，令你可以同朋友好舒服咁食吓飯、傾吓計。滷水拼盤滷水拼盤包括有豆腐、雞翼、鴨舌和鴨腎，分量唔少。滷水汁好入味，但唔會太咸。好少酒吧有滷水食品，值得一讚。日式炸豆腐豆腐外層包上薄薄一層蛋漿來脆炸，再鋪上厚厚嘅木魚絲，因為用上日式豆腐所以十分滑溜，再加埋日式醬汁一齊食，味道一流。豚肉奄列奄列嘅做法好似日式蛋包飯，裏面換上一片片嘅豚肉，蛋嘅熟成度做得恰到好處，啱晒我呢個「雞蛋」控。法式香烤蝴蝶雞呢味菜式可以話係色香味俱全，蝴蝶式嘅開邊做法，已經把雞嘅胸骨除去，對我呢個唔係太識用刀叉嘅人，真係一大喜訊。