Angry Oppa Restaurant & Bar (Closed)

平日放工心血來潮想食韓國菜，就專登過去金巴利道呢個韓國街睇下有咩嘢食。一經過就比個芝士Pizza吸引咗😍，芝士好多同超級拉絲。雖然係平日晚上，但係全場滿座😆環境唔錯坐得舒服又唔會迫。一坐低先叫飲品，叫了呢款平時比較少見嘅紫薯味米酒，味道夠特別。味道香甜，淡淡嘅紫薯味，非常易入口😋😋我哋嘢食未到已經清左半支。叫咗個蔥薄餅嚟送酒。份量好大，葱嘅份量好多，又唔會油。一路食一路飲米酒好正😛之後就送上我哋期待左好耐嘅芝士pizza。我哋因為只有兩個人，冇嗌到一個完整嘅大pizza，只係叫咗兩個迷你微辣大蝦熔岩比薩，份量啱啱好，一人一件。我見到隔離枱嘅大芝士薄餅，好多芝士，拉絲好誇張，影相打卡一流🤗🤗下次約多幾個朋友再食🤤最後就叫咗泡菜豬肉湯鍋，材料豐富，蔬菜同豬肉嘅分量好足。泡菜湯微辣非常開胃，我哋二人最後係清晒所有湯🤤🤤👍👍如果唔係咁飽，想試埋個便當🍱見到隔離枱有人不停shake 個便當去撈勻飯盒嘅材料，又有得食又好玩🤣🤣菜式多元化，味道又好味，黎韓國街必食，推介！下次再約多兩個朋友嚟試吓個大芝士熔岩pizza😝😝