九記打冷.小菜.粉麵 (Closed)

今晚係尖沙咀行過一間食打冷既餐廳，裡面裝潢好似茶餐廳，座位與座位之間都算寬闊，食飯傾計大聲少少都唔怕。炸生大蝦$76好奇心驅使下叫左這個菜，之前食打冷都未試過有炸蝦食，新鮮炸起原來又會有另一番風味，蝦肉一樣彈牙鮮嫩，仲多左份油炸既香口。蒜茸炒通菜$63鑊氣快炒，所以通菜依然爽脆，份量勁足，隨時夠3、4個人一齊食。韮菜豬紅$68豬紅入味實剩，韮菜亦非常入味。椒鹽九肚魚$108，上粉夠薄唔油膩。咸檸檬雪碧$24，咸檸好夠咸，值得一試。熱清心丸綠豆爽$48，即叫先煮，亦做得番傳統味道，出面已經好少地方食到。