串酒里 (Closed)

原來尖沙咀都有得食串燒，係內街，位置有啲偏。食物好多種類，叫左卡邦尼焗廣島蠔，幾特別，有啲芝士同煙肉配廣島蠔。蒜蓉燒扇貝有好多蒜蓉。脆燒鰻魚，啲鰻魚汁好好味，燒得好香口。豚腩金菇串同汁燒雞髀菇都幾多汁，爽口。胡椒香燒雞翼好正，好香，食落真係外脆內juicy, very yummy!!仲有一個必食推介，鹽燒厚切牛舌，超厚身，一啲都唔韌，好有咬口！蒜香燒原條茄子都好惹味，好味～～仲食左燒魷魚串，汁甜甜地，同魷魚幾夾～呢度仲有手工啤酒，蜜糖味，幾特別！