伍佰海鮮火鍋

Open Now

Now Closed

呢度主打高質新鮮海鮮火鍋，無限時既火鍋店，我地揀選左個超值精選套餐每位$298，包精選時令海鮮同刺身拼盤十分豐富，任食蔬菜同任飲精選飲品，環境寛敞，二樓係大廳，再上一層是廂房，一班就三五知己慢慢食住傾計最好不過伍佰精選套餐套餐有刺身做頭盤，有三文魚、油甘魚同劍魚，每件都厚切鮮甜，打邊爐有幾款鍋底可以揀，我就揀左滋潤海底椰雞腳湯，店員特別推介滾後先飲碗椰子雞湯先，飮落好重椰香味，雞味濃郁，湯底食出真材實料，仲有椰子肉同雞腳夠哂足料海鮮拼盤有鮑魚、海蝦、東風螺、同蜆，海蝦上碟生猛仲識郁、鮑魚亦都超新鮮，所有海鮮都食鮮味配料方面可以任揀6款，魚三角限量供應，安格斯肥牛就必點，油花均勻仲好香牛味❤️除左肉類手打丸都係必點，牛丸夠哂多汁彈牙 ，水餃雲吞皮薄餡靚，食完相當滿足飲品方面，有幾款自家製飲品，我就試咗竹蔗茅根清甜解渴，整體方面，食物高質會再回訪