Video
Read full review
2024-07-15
243 views
平日嘅尖沙咀漢口道唔係好多人，甚至帶點寧靜。 喺地面就已經見到餐廳嘅大招牌，搭電梯落去地庫，一入到去竟然全場滿座，好旺場呀！坐低先下載app做會員，咁就可以享用會員優惠。 酸菜魚或鮑魚二揀一。金湯藤椒酸菜魚只係$7，咁大碟，必點呀！濃郁酸菜湯酸度適中，可以選擇辣度，配合鮮甜嫩滑魚片，啱晒夏天食！揀咗抵食海鮮烤鴨套餐，四道菜，仲可以半價無限追加甜品。蔥油鮮鮑片爽口又鮮嫩嘅鮑魚片，片得薄薄，均勻咁鋪疊喺碟上面，光澤油亮。 加上蔥油提味，更加帶出海鮮嘅鮮味。小籠包皮薄多汁，做得唔錯。先咬開一口，再啜下啲湯汁，好美味！京滬香酥烤鴨烤鴨外皮金黃誘人，咬落油香四溢，入口即化。 下面係鴨肉，肥瘦適中。先放上熱辣辣嘅麼麼皮，六款配料可以自由配搭，再包埋一齊食。以為紅紅地色嘅配料係山楂條，點知原來係蘿白條，個人鍾意山楂條多啲，酸酸甜甜同烤鴨嘅味道更加夾。蒜蓉開邊蒸海中蝦開邊海蝦配上香濃蒜蓉，簡單又入味。望落已經知道係新鮮蝦，食落爽口彈牙。爆汁牛肉煎餅呢個真係一定要點，一口咬落去，啲汁爆到成枱都係，超級juicy。外皮煎到酥脆可口，牛肉餡香滑惹味。好少見到一間酒樓會有十幾款嘅甜品選擇，每款都好吸引。高力豆
坐低先下載app做會員，咁就可以享用會員優惠。 酸菜魚或鮑魚二揀一。
金湯藤椒酸菜魚只係$7，咁大碟，必點呀！濃郁酸菜湯酸度適中，可以選擇辣度，配合鮮甜嫩滑魚片，啱晒夏天食！
揀咗抵食海鮮烤鴨套餐，四道菜，仲可以半價無限追加甜品。
蔥油鮮鮑片爽口又鮮嫩嘅鮑魚片，片得薄薄，均勻咁鋪疊喺碟上面，光澤油亮。 加上蔥油提味，更加帶出海鮮嘅鮮味。
小籠包皮薄多汁，做得唔錯。先咬開一口，再啜下啲湯汁，好美味！
京滬香酥烤鴨烤鴨外皮金黃誘人，咬落油香四溢，入口即化。 下面係鴨肉，肥瘦適中。先放上熱辣辣嘅麼麼皮，六款配料可以自由配搭，再包埋一齊食。
以為紅紅地色嘅配料係山楂條，點知原來係蘿白條，個人鍾意山楂條多啲，酸酸甜甜同烤鴨嘅味道更加夾。
蒜蓉開邊蒸海中蝦開邊海蝦配上香濃蒜蓉，簡單又入味。望落已經知道係新鮮蝦，食落爽口彈牙。
爆汁牛肉煎餅呢個真係一定要點，一口咬落去，啲汁爆到成枱都係，超級juicy。外皮煎到酥脆可口，牛肉餡香滑惹味。
好少見到一間酒樓會有十幾款嘅甜品選擇，每款都好吸引。
高力豆沙係即製，熱辣辣又有香甜濃郁豆沙餅餡，口感鬆軟。不過見到有點多油，如果用吸油紙索一索油再上枱，成個嘅觀感會好好多。
鮮奶燉桃膠養顏佳品，燉奶軟嫩順滑，配上嫩滑桃膠，低甜清潤。
晏晝仲有特價點心，價錢幾抵食，有啲一份兩件，少人數都可以食到多款點心啦。
要一讚嘅係好多店員都有笑容有禮貌，係難得嘅！
Post
