中國廚房/台灣牛肉麵

Open Now

Now Closed

喺尖沙咀夜晚想飲茶食點心，行經廣東道，見到有間有得食，於是入去試吓。佢地有台灣牛肉麵同中式可以選擇，我地叫咗幾款試吓。黑松露山珍腐皮卷，腐皮炸得好脆，熱辣辣好香黑松露香味，入面材料有冬菇，蘿蔔絲等。千島醬脆炸蘿蔔糕，呢款點心好特別，出面好少食到炸蘿蔔糕，佢嘅炸皮好脆好香口，上面仲有千島醬同木魚碎，好有日式feel,雖然fusion咗，但味道又幾夾。鮑汁鴨腳扎，呢款點心好有懷舊feel,d鮑汁好濃郁，山竹吸收晒d鮑汁，好惹味，鴨腳都好淋滑。筍尖蝦餃，入面隻蝦都幾大隻，彈牙爽口。經典糯米雞，非常足料，入面有雞，火腿，咸蛋黃，冬菇，蝦米等，而糯米飯都好煙韌。鮑魚燒賣，大大隻鮑魚喺燒賣上面，拎起鮑魚原來仲有蟹子喺燒賣上面，非常足料，燒賣口感都好彈牙。