Video
Read full review
2018-08-18
113 views
逸翠軒點心專門店其實飲茶呢個文化，真係無分時間性，爸爸媽咪好鍾意早上去飲茶，但係礙於我哋早上要返工，又點會可以去飲茶呢，尖沙咀呢一間新開點心專門店太好啦，最抵食就係佢哋不設+1 ，開到夜晚11點，幾夜想飲茶都冇難度啦。唔知係因為新開嘅關係定係光線好充足，所以地方好光猛亦都好清潔，坐得舒服。係尖沙咀來講，茶位$4一位，真係太平啦，雖然唔係特別靚茶葉，但係睇呢上面亦有一個熱水壺，方便大家自己斟水。一睇之下，原來餐廳係翠河餐廳嘅集團，本身翠河茶餐廳，我都覺得幾好食，點心店水準都唔錯。點心仲有兩間分店添，其中一間就係麼地道。一間就係首都廣場嘅地下。位置當然非常便利啦。其實我真心覺得呢度飲茶好抵，叫咗差唔多10樣嘢， $300都唔使。。淮杞元肉燉老雞湯個雞湯用了好充足，一個細細的碗，已經有齊杞子、龍眼肉、老雞、而且份量一啲都唔少，雞都有幾件，啲湯好有媽媽嘅感覺，好味又唔會令人好口渴。逸翠鮮蝦餃呢度嘅招牌蝦餃，一上枱，佢嘅顏色已經覺得賞心悅目，兩件粉綠色及兩件白色嘅蝦餃，啲皮唔算太好，而且啲蝦肉都彈牙，好食，唯一美中不足係個蝦餃皮唔太乾身，呢一點扣左少少分。百花釀魚肚呢一個點心係大家覺得最好食，啲
其實飲茶呢個文化，真係無分時間性，爸爸媽咪好鍾意早上去飲茶，但係礙於我哋早上要返工，又點會可以去飲茶呢，尖沙咀呢一間新開點心專門店太好啦，最抵食就係佢哋不設+1 ，開到夜晚11點，幾夜想飲茶都冇難度啦。唔知係因為新開嘅關係定係光線好充足，所以地方好光猛亦都好清潔，坐得舒服。
係尖沙咀來講，茶位$4一位，真係太平啦，雖然唔係特別靚茶葉，但係睇呢上面亦有一個熱水壺，方便大家自己斟水。一睇之下，原來餐廳係翠河餐廳嘅集團，本身翠河茶餐廳，我都覺得幾好食，點心店水準都唔錯。點心仲有兩間分店添，其中一間就係麼地道。一間就係首都廣場嘅地下。位置當然非常便利啦。
其實我真心覺得呢度飲茶好抵，叫咗差唔多10樣嘢， $300都唔使。
。
淮杞元肉燉老雞湯
個雞湯用了好充足，一個細細的碗，已經有齊杞子、龍眼肉、老雞、而且份量一啲都唔少，雞都有幾件，啲湯好有媽媽嘅感覺，好味又唔會令人好口渴。
逸翠鮮蝦餃
呢度嘅招牌蝦餃，一上枱，佢嘅顏色已經覺得賞心悅目，兩件粉綠色及兩件白色嘅蝦餃，啲皮唔算太好，而且啲蝦肉都彈牙，好食，唯一美中不足係個蝦餃皮唔太乾身，呢一點扣左少少分。
百花釀魚肚
呢一個點心係大家覺得最好食，啲蝦膠係非常彈牙，魚肚炆得好淋，估唔到個蝦膠咁大件，差唔多正常嘅雙倍，所以覺得好抵食。
涼拌青瓜
作為一個前菜，非常開胃，份量都唔少。
上湯小籠包
我哋影咗一陣相，個小籠包入邊都仲係充滿肉汁，如果啲皮再薄少少就好啦。
薑汁棗拉糕
呢啲甜品係飲茶必選，不過紅棗味好濃郁，總共分三層，兩層紅棗加上一層薑汁糕，薑汁味不算太濃郁，不過紅棗味已經加分不少。
維他奶紅豆冰
紅豆冰飲得多，維他奶紅豆冰原來都幾夾，呢個配搭好新鮮，但係有驚喜。
煎釀虎皮尖椒
估唔到尖椒係咁大條，煎到個皮美味香脆，而且讓左一啲彈牙嘅魚肉，一啲都唔腥，非常好食。
芝心蝦春卷
呢一個點心亦都係值得一讚，因為即叫即炸，所以嚟到嘅時候係熱騰騰的，吃春卷入邊仲有芝士，真係第一次食，芝士同蝦嘅配搭已經好吸引，加埋非常香脆嘅春卷皮，鍾意食炸嘢嘅朋友一定要點。
Post
