黑木亭居酒屋 (金馬倫道)

今次朋友帶路試吓呢間居酒屋，餐廳座位闊落，濃厚日本佈置。我哋無特別心水，見到有本月推介餐點幾吸引，而店員推介生蠔買一送一，同個fd一人一隻剛剛好。先嚟日本生蠔-日之雪花，生蠔大大隻好肥美，食落爽口，味道偏向清爽甜美，買一送一好抵食。椰王壽喜燒和牛寶盒，一上枱好驚豔，擺盤好靚，有個可愛熊仔頭。店員即場將椰王水倒落湯底，真材實料，用心製作。壽喜燒配料有A5宮崎和牛及M7澳洲和牛，宮崎和牛嫩滑肥美, 澳洲和牛肉味濃有口感，各有所好。大蝦及其他蔬菜配料都新鮮好食。火焰鵝肝和牛青蘋果卷，好fusion, 燒香的鵝肝加和牛油脂豐富本來已經好吸引，加返青蘋果酸甜去平衡，減低油膩感，味道剛剛好。2杯飲品藍碟花佛手柑熊茶及紅火龍果佛手柑熊茶，有層次賣相一流，尤其熊仔冰頭很可愛，味道酸酸甜甜配搭得宜。另外想讚一讚呢度服務態度很好，主動了解客人所需再作推介，亦主動收碟。