Video
Read full review
2023-05-02
99 views
呢次有幸嚟到呢間位於尖沙咀嘅お肉割烹而今，佢哋有由日本遠道而嚟嘅主廚大谷誠師傳，師傳嘅來頭不小，大谷誠師傅畢業於大阪辻調理師專門學校,曾在多個國家的高級餐廳任職。經過多年的海外生活,大谷師傅重返廚師生涯,喺香港主理呢間主打割烹嘅日本料理店「お肉割烹而今」。由於大谷師傅早年在日本已在兩間割烹餐廳工作,對割烹料理非常熟悉,所以店內提供地道的日本料理體驗。お肉割烹而今這間餐廳堅持使用日本進口的食材、醬料、甚至水，並且選用日本製造的餐具和裝飾，以呈現最地道的日本風味。餐具也會隨著季節和食材的變化而調整，以達到最佳的搭配效果。先付燒牛肉 海膽 蕪豆腐 美味高湯果凍用咗嚟自鹿兒島嘅和牛後腿肉，經過輕輕煎封四邊，鎖緊肉汁，肉味更香濃，配以鮮甜嘅海膽愛埋清新嘅蕪豆腐 ，再加埋美味嘅高湯果凍，剛好中和和牛所帶嘅油膩感。椀物愛女魚澤煮椀椀物：愛女魚澤煮椀，愛女魚是一種春季的時令魚，肉質細緻香甜，呢款帶有春天氣息嘅湯會用魚肉、春季的新鮮蔬菜和白味噌所煮成，會先將愛女魚用油炸至金黃酥脆，再將各種嘅新鮮蔬菜一起煮成澤煮。用咗多款春季的時令嘅蔬菜，將其切成細長的條狀，令到所有嘅食材均勻地受熱同更入味。最後會喺湯面
お肉割烹而今這間餐廳堅持使用日本進口的食材、醬料、甚至水，並且選用日本製造的餐具和裝飾，以呈現最地道的日本風味。餐具也會隨著季節和食材的變化而調整，以達到最佳的搭配效果。
先付
燒牛肉 海膽 蕪豆腐
美味高湯果凍
用咗嚟自鹿兒島嘅和牛後腿肉，經過輕輕煎封四邊，鎖緊肉汁，肉味更香濃，配以鮮甜嘅海膽愛埋清新嘅蕪豆腐 ，再加埋美味嘅高湯果凍，剛好中和和牛所帶嘅油膩感。
椀物
愛女魚澤煮椀
椀物：愛女魚澤煮椀，愛女魚是一種春季的時令魚，肉質細緻香甜，呢款帶有春天氣息嘅湯會用魚肉、春季的新鮮蔬菜和白味噌所煮成，會先將愛女魚用油炸至金黃酥脆，再將各種嘅新鮮蔬菜一起煮成澤煮。用咗多款春季的時令嘅蔬菜，將其切成細長的條狀，令到所有嘅食材均勻地受熱同更入味。最後會喺湯面上撒上木之芽，增加了一絲清香和苦味，平衡了整體的甘甜。
向付
日本近海直送海鮮(刺身)
刺身可以體現到師傅絕妙刀工嘅料理。呢次師傅做咗四款刺身分別是魷魚、門鱔、赤身和大拖羅，魷魚和門鱔都用咗名為千刀的刀工，將其表面切成細細的花紋，可以增加口感同埋吸收調味料的能力。經過千刀嘅魷魚，口感由本身較脆變得軟糯，好似食緊魷魚味嘅綿花糖。而門鱔肉質柔軟，經過千刀嘅口感由原本滑溜變得軟糯，加埋特製嘅梅醬，令原先帶有淡淡甘甜嘅魚肉更加鮮甜。赤身是吞拿魚的中央部分，肉質緊實，魚味濃郁。大拖羅係吞拿魚的腹部，脂肪含量最高，口感柔軟，有入口即化嘅感覺，油香四溢，而刺身嘅吞拿魚都係用野生吞拿魚，佢哋都經已有三星期熟成，熟成令肉質更軟腍，味道同風味會更濃縮。而師傅係裝飾方面都落足心機，為咗喺春天呢個潮濕嘅天氣下想營造出涼浸浸嘅感覺，師傅用咗霜底、日本嘅大青瓜仲有好似荷葉嘅日本芥末嘅葉作為裝飾，可以為整道刺身增添色彩同埋清爽感。
八寸
筍拌木之芽味噌 沖繩粗水雲醋
南蠻稚香魚 素炸澤蟹 鯛粽
鯛真子旨煮 時雨煮和牛
筍拌木之芽味噌：用春天採收的新鮮筍子，再用和木之芽嘅味噌一起拌勻。筍嘅爽脆口感同味道清香而微辣嘅味噌，令春天嘅氣息更加濃厚。
沖繩粗水雲醋：沖繩特產的水雲，一種海草類，用醋和糖調味，味道酸甜而清爽，建議食嘅時候一整杯倒入口，會感覺更加清爽。
南蠻稚香魚：用咗時令嘅香魚，佢哋小而鮮美，經過油炸，再淋上特製南蠻醬汁，味道香脆而微酸，香魚肉質細嫩而多汁。
素炸澤蟹：用咗名為澤蟹嘅日本河蟹，佢哋嘅size好細，原隻拎去炸，香脆可口，用嚟配酒一流，建議最開始先食。
鯛粽：將鯛魚壽司用竹葉包裹，做成鯛粽，而壽司經已加入醬油同埋梅子醬，食嘅時候除咗有鯛魚嘅鮮味，仲有淡淡嘅竹香滲透於飯同魚肉之中。
鯛真子旨煮：用嘅係日本的鯛魚卵，再配以味噌和糖調味，慢火煮至入味，味道濃郁而微甜，鯛魚卵彈牙而富有彈性。
時雨煮和牛：用和牛再配以味噌和米酒醃製後再用低溫慢煮法烹調，肉質柔軟而不失嚼勁，入口即化。
揚物
吉列牛柳三文治
用咗日本薩摩嘅A5和牛，係牛柳嘅部位，先用低溫慢煮法12小時後再裹上麵包糠油炸，做到外皮金黃酥脆，裡面是粉紅色的嫩肉，肉汁豐富而香味十足。配埋自家製的嘅醬汁，醬汁用咗和牛做嘅肉醬汁，味道帶少少惹味，辣味可以更能帶出和牛油脂嘅味道。
旬彩
活鳥貝 北寄貝 新玉洋蔥
豆乳奶凍 豌豆醬
用咗雙貝分別係活北寄貝同埋平貝，加埋豌豆醬，入面拌有椿菜，食嘅時候更有草原清新嘅味道，而喺表面仲放咗自家製嘅烏魚籽同埋蛋黃醋，前者可以提鮮仲可以令賣相更精緻，後者嘅味道同海鮮好夾，可以更能突出其鮮甜嘅味道。
鍋物
壽喜燒 時令野菜
用鹿兒島A5和牛西冷所做嘅壽喜燒，油花霜降，細密均勻，師傅仲會席前製作，用油脂先燒用艾草做嘅生麩，再將西冷燒至8成熟，見到都流晒口水，油香四溢，配埋嚟自鹿兒島嘅蛋，和牛蘸埋蛋漿，入口更加滑溜同juicy。
仲有其他時令野菜包括天然舞茸，用燒完和牛嘅醬汁去煮，令舞茸除咗獨特嘅嘅香味之外，仲增添一份和牛嘅油香同肉香。
食事
螢光魷魚櫻花蝦釜飯
赤味噌湯 漬物
用由日本信樂燒陶窯所特製陶飯釜煮出來的，飯粒香氣四溢，粒粒分明。而且呢度釜飯用越光米所煮，係一款高品質的日本米，有細長形狀，米味更香甜。
釜飯用咗螢光魷魚和櫻花蝦為主要食材的。螢光魷魚是一種在黑暗中會發光的魷魚，肉質彈牙，味道清甜。櫻花蝦是一種小而美味的蝦，顏色粉紅，香氣濃郁。這兩種海產都是日本的特產，與白飯相配，非常美味。此外，師傅還會喺釜飯上檯前加入芝麻、蔥花等，讓你品嚐到更多層次的口感和味道。這道釜飯的份量十分足夠。
甘味
和菓子 季節果物：和菓子都係由師傅每日親手製作，呢位師傅亦都係喺日本嘅和菓子學院作出過深造，所以每款和菓子都極為精緻，就好似藝術品一樣，完全唔捨得食，只係想不停影相打卡。師傅仲比我哋自己選擇，我揀咗佢最花心機最巧技術嘅菊花。和菓子都係用豆蓉所做，而會大多用綠豆或天豆呢兩款豆，食嘅時候可以配埋季節果物，今日係士多啤梨，果味濃郁，酸甜嘅味道同清淡香甜嘅豆蓉好夾。
Post
