酩町 (Closed)

#今晚有酒有今晚醉，難得我哋三個都咁鐘意模酒杯，當然要來呢間尖沙咀嘅 #酩町居酒屋 啦～呢度有啲sake嘅品牌係外面無咖，只可以係呢度飲～就好似我哋今晚飲嘅呢枝咁，入口比较爽，而且帶一點點甜，好適合女仔飲～我哋3個女仔就飲曬成枝啦～今晚大家一齊談天說地，邊食邊傾好開心啊～不得不說佢哋嘅下酒菜真好食…特别係「椒鹽甜蝦」，呢個係必點菜，推薦大家一定要試下，蝦肉外脆内嫩，口感豐富，再配一口sake，簡直陶醉了～除咗一啲串燒之外，我哋仲叫咗海膽杯～呢個都係我嘅推薦啊…呢道菜將新鲜嘅海膽、吞拿魚蓉同三文魚籽結合，營造出豐富且奢華嘅口感。海膽用吞拿魚蓉嘅鮮味加上魚籽微妙嘅咸味，互相融合，令我好想一杯一杯咁接著食啊～飲飽食醉之後，仲可以來個靈魂雞湯提提神先返屋企啊。呢個雞湯除咗雞以外，咩都無加啦，就係純純嘅雞湯，解酒又解膩～飲得好爽啊。唔知仲有無朋友想來試試呢？記得帶埋我啊～我仲想再來飲過~