戀 (太子集團中心) (Closed)

最近朋友介紹咗尖沙咀有間日本餐廳幾正，今日放工同老工去撐下檯腳先。 餐廳以和式木系為主，簡潔清雅。座位寬闊舒適。 三文魚刺身色澤鮮明，魚肉是橙紅色，肉質堅挺，肉質光滑。三文魚新鮮肥美，入口感覺結實飽滿，魚油豐盈有化口感。味道甘香，肉質爽滑，食起來唔油膩。 吉列大蝦炸得金黃酥脆，外層令人垂涎欲滴🤤點少少蛋黃醬同檸檬汁已經非常滋味。 香燒雞皮（鹽燒）：平時都好少會食燒雞皮，自從老公介紹完好食，從此愛上了，雞皮有彈性而且好脆口，送啤酒一流🍻 鹽燒雞軟骨：食落爽口又有嚼勁，味道超正！🤤 五花荔枝肉：五花肉同脂肪比例恰到好處，油脂香氣十足，油脂入口仲保留住脂肪融化口中的香味，肉質柔嫩多汁，肉味濃郁美味。五花肉包住粒粒清甜嘅荔枝，令到五花肉嘅油脂減膩，非常絕配。 蘆筍豚肉卷：薄薄嘅豚肉片包住蘆筍，配搭清爽，亦能保留蘆筍脆嫩的嘅口感。 月見照燒免治雞肉棒：食落去雞肉好爽口有質感，點埋蛋黃更加美味。鰻魚炒飯用上珍珠米，炒飯粒粒分明，加上蒲燒鰻魚粒，香甜惹味！ 牛肉豆腐野菜鍋：牛肉肥瘦均勻，口感軟嫩，加上嫩滑嘅豆腐、大葱、甘筍，再配埋醬油湯底，非常美味，食完成個鍋都暖笠笠。