和道屋

Open Now

Now Closed

今日係十日假期既最後一日首先晏晝去銅鑼跳左場舞夜晚同老公去尖沙咀食日本野呢間裝修好靚好似去左轉日本咁店員仲安排左我地肉榻榻米，好開心我地叫左清酒+芝士火鍋二人前$998睇中龍蝦和牛芝士鍋~（有單點$368）和牛本身已經好正仲要係溶左既芝士游一轉先放入口，真係超邪惡。龍蝦咁食法同平時係酒家食既唔一樣口感，咁樣芝士濃好多，自己想蘸幾多就幾多😆吉列廣島蠔好大隻，外脆內爆汁估唔到蘆筍配芝士都唔錯，好清爽清酒好易入口，甜甜地，個壺有埋冰，爽呀！ 特選雜錦刺身盛盒八款甜蝦大隻鮮甜、帶子厚肉、三文魚同吞拿魚厚切軟糯，八爪魚，同另外兩款唔太識但唔錯。即開生蠔半打配日本柚子啫喱生蠔好有海洋味，隻隻肥美鮮甜，老公好滿足另外老公叫左必食既鹽燒三文魚頭$98燒到外脆保留魚油超正我叫左海膽甜蝦刺身杯$198甜蝦因為頭先試過覺得鮮甜可口，所以揀左呢款試埋最愛既海膽，海膽都唔錯一d都唔澀，唔算大塊但夠甜。最後叫多個火灸壽司四點$178有我鍾意既左口魚，仲有和牛，三文魚，吞拿魚，好滿足呀～店員親切有禮，座位寬敝好啱三五知己一聚，有好多日式小擺設，門口有夾公仔機，有一大個座櫃，仲有無面男坐鎮，下次絕對會再嚟試埋其他。