彤 (Closed)

今次黎到尖沙咀既彤試下呢度既omakase，試佐$1580既套餐，食物質素好，價錢又唔係太貴，好正呀！前菜已經好豐富，係菠菜水母嘅前菜配和風汁，汁煮姫粒貝同埋靜岡縣產水果蕃茄。水母同菠菜一齊食口感好好，配埋和風汁，香香酸酸咁，姫粒貝係螺黎，爽口又香，再加上酸酸生生既蕃茄，好開胃既前菜😋刺身就係鰤魚，鰤魚係冬天係特別肥美，但依家既鰤魚都已經好肥美，肉質又實，好香好鮮味！🐟壽司款款都好出色，大拖羅同埋秋刀魚壽司就最吸引我🍣大拖羅油脂分佈平均，入口即化，而秋刀魚壽司唔會腥既同時好香魚味，好咸鮮🤤今次呢個廚師發辨絕對係高質既選擇！