新泰東南亞餐廳 (太子集團中心) (Closed)

今日同朋友黎到位於北京道既新泰東南亞餐廳，呢到真係長期滿坐，我同朋友大概六點半黎就即時入坐到一打開menu真係花多眼亂，我地叫左兩款主食，一款甜品同一款小食再加兩杯野飲，叫完先發覺咁大份首先係泰式蝦炒金邊粉，每次食泰國野都一定要叫金邊粉呢到既金邊粉用一個蛋絲網網住，入面都係一啲平時金邊粉都食到既配料，大蝦，芽菜等等，但佢既蛋絲令到成碟金邊粉多左層層次，睇得出花左心機，味道都好好，蝦份量都多，而且每隻都大大隻我地叫左個麵包焗咖哩軟殼蟹，佢既擺盆非常吸引，一個個挖空左既麵包裝滿咖哩汁，滿滿既軟殼蟹插係中間，好似一朵花咁，軟殼蟹就算浸左係咖哩汁，咬落口依然好脆，麵包同咖哩好夾，實在係太大份，我地最後食唔哂啲麵包燒豬頸肉配以泰式辣醬,豬頸肉有少少香茅味，又夠彈牙有咬口，外層燒到微脆，肉質嫩滑唔錯最後以芒果糯米飯作結，面頭鋪滿椰汁，飯有紫米同白米，啲飯仲暖暖地，配上凍芒果同椰汁好夾，甜度都岩岩好飲品方面我同朋友都叫左芒果沙冰，呢啲天氣緊係飲沙冰最舒服，沙冰好大杯，面頭仲有芒果肉，味道好真，唔係果汁味，正