Video
Read full review
2024-06-02
24 views
約咗朋友去海港城行街，順便食埋飯，行過呢間韓燒見到個2人餐「夏之煙燻盛饌」($1088@2)都幾豐富，除咗有韓牛同和牛燒肉，仲有醬油海鮮拼盤同麵食。韓式前菜坐低店員就會先上啲前菜可以食住先，有成8款咁多，好似有泡菜、菠菜、芽菜、薯蓉、蓮藕、海帶等等，非常開胃，食哂亦都可以refill。煙燻蘋果木豬五花(配生菜)呢個套餐嘅主角就係呢碟煙燻蘋果木豬五花，上枱時店員會用玻璃罩蓋住五花肉，進行煙燻，當一打開蓋啲煙霧就會四散開黎，煙霧彌漫好似去咗仙境咁，仲會聞到陣陣煙燻香味。五花肉燒到焦香，食落有淡淡嘅蘋果木香，夾埋生菜同大醬一齊食仲可以中和油膩感。醬油盛合有3款醬油漬海鮮，分別係大蝦、帶子同鮑魚。海鮮已經醃到入哂味，濃濃嘅醬油香加上海鮮本身嘅鮮味，鹹中帶鮮甜。大蝦同鮑魚口感爽彈，蝦頭仲有勁多蝦膏，帶子水嫩有彈性。燒肉拼盤一共可以食到4款牛肉，有韓牛亦都有和牛。如果驚自己燒得唔好都可以搵店員代勞。-韓牛牛小排：肉質腍嫩又多肉汁-和牛外裙肉：牛味濃郁又夠腍身-和牛牛肋肉：油脂豐富，入口即融-和牛牛舌：雖然薄薄一片，但口感非常爽彈雪梨水冷麵跟套餐仲有水冷麵或者炸醬麵，我哋就揀咗水冷麵，冰冰涼涼，味道
韓式前菜
坐低店員就會先上啲前菜可以食住先，有成8款咁多，好似有泡菜、菠菜、芽菜、薯蓉、蓮藕、海帶等等，非常開胃，食哂亦都可以refill。
煙燻蘋果木豬五花(配生菜)
呢個套餐嘅主角就係呢碟煙燻蘋果木豬五花，上枱時店員會用玻璃罩蓋住五花肉，進行煙燻，當一打開蓋啲煙霧就會四散開黎，煙霧彌漫好似去咗仙境咁，仲會聞到陣陣煙燻香味。五花肉燒到焦香，食落有淡淡嘅蘋果木香，夾埋生菜同大醬一齊食仲可以中和油膩感。
醬油盛合
有3款醬油漬海鮮，分別係大蝦、帶子同鮑魚。海鮮已經醃到入哂味，濃濃嘅醬油香加上海鮮本身嘅鮮味，鹹中帶鮮甜。大蝦同鮑魚口感爽彈，蝦頭仲有勁多蝦膏，帶子水嫩有彈性。
燒肉拼盤
一共可以食到4款牛肉，有韓牛亦都有和牛。如果驚自己燒得唔好都可以搵店員代勞。
-韓牛牛小排：肉質腍嫩又多肉汁
-和牛外裙肉：牛味濃郁又夠腍身
-和牛牛肋肉：油脂豐富，入口即融
-和牛牛舌：雖然薄薄一片，但口感非常爽彈
雪梨水冷麵
跟套餐仲有水冷麵或者炸醬麵，我哋就揀咗水冷麵，冰冰涼涼，味道清新，啱晒食完燒肉之後食。
是日甜品
甜品就有Tiramisu，咖啡味香濃，質感幼滑。
。
。
雪下覓炙 (尖沙咀)
尖沙咀廣東道3-27號海港城海運大廈地下OT G47-48號舖
。
。
Post
