Video
Read full review
2024-10-30
341 views
今次👧🏻約咗表姐同佢食生日飯，揀咗喺海港城既雪下覓炙食韓燒😍！見到佢地仲推出咗個秋風煙燻盛饌套餐，緊係要試下！🌟醬油盛合醬油盛合有齊醬油蝦、帶子同鮑魚，三款都係生食，店員有事先提醒切勿燒熟嚟食🤣，否則海鮮會變霉。所有海鮮都極度鮮甜，尤其是鮑思勁爽口，帶子又飽滿又大隻！醬油唔會太咸又入味。🌟煙燻盛饌煙燻盛饌有齊和牛牛小排、和牛牛肋肉、和牛三筋肉(牛板腱)、和牛牛舌，總共四款牛肉。店員會即場使用煙燻裝置注入煙，所以牛肉喺食前/後都有濃郁煙燻香。四種牛肉各有唔同質感，油脂感亦有不同。牛肋肉就比較有嚼勁，牛舌夠腍又爽口，厚度適中。🌟濟州賞饌豬肉就有齊五花肉同梅花肉，五花肉肥瘦相間，炙燒後冇咩油膩感。而梅花肉就相對瘦，燒後完全唔柴同幾有肉味。用埋生菜包煮豬腩肉/梅花肉，再沾上大醬就岩岩好。🌟水冷麵主食可以揀水冷麵或炸醬麵。蕎麥麵爽口煙韌，食完比較油膩嘅燒肉後，食返啲比較清爽，有白蘿蔔片、青瓜絲同雞蛋嘅水冷麵，都幾fresh又可以增加飽肚感！🌟布朗尼是日甜品係chocolate brownies，估唔到仲要係熱食。可能尤其係熱食，朱古力味相當濃郁又唔甜，質感比較Cakey，幾有驚喜😍！🌟荔枝梳打/
🌟醬油盛合
醬油盛合有齊醬油蝦、帶子同鮑魚，三款都係生食，店員有事先提醒切勿燒熟嚟食🤣，否則海鮮會變霉。所有海鮮都極度鮮甜，尤其是鮑思勁爽口，帶子又飽滿又大隻！醬油唔會太咸又入味。
🌟煙燻盛饌
煙燻盛饌有齊和牛牛小排、和牛牛肋肉、和牛三筋肉(牛板腱)、和牛牛舌，總共四款牛肉。店員會即場使用煙燻裝置注入煙，所以牛肉喺食前/後都有濃郁煙燻香。四種牛肉各有唔同質感，油脂感亦有不同。牛肋肉就比較有嚼勁，牛舌夠腍又爽口，厚度適中。
🌟濟州賞饌
豬肉就有齊五花肉同梅花肉，五花肉肥瘦相間，炙燒後冇咩油膩感。而梅花肉就相對瘦，燒後完全唔柴同幾有肉味。用埋生菜包煮豬腩肉/梅花肉，再沾上大醬就岩岩好。
🌟水冷麵
主食可以揀水冷麵或炸醬麵。蕎麥麵爽口煙韌，食完比較油膩嘅燒肉後，食返啲比較清爽，有白蘿蔔片、青瓜絲同雞蛋嘅水冷麵，都幾fresh又可以增加飽肚感！
🌟布朗尼
是日甜品係chocolate brownies，估唔到仲要係熱食。可能尤其係熱食，朱古力味相當濃郁又唔甜，質感比較Cakey，幾有驚喜😍！
🌟荔枝梳打// 提子梳打
食燒肉緊係要有啲飲品，兩款果味梳打都幾足料，濃郁果香仲有啲果肉！
Post
