Video
Read full review
2023-02-16
91 views
新一年當然要開個靚頭，食好 d，特登約左朋友出黎尖沙嘴嘅鮨廷，試左佢地嘅 Special Omakase，果然十分有驚喜 😋 前菜兩款汁煮東風螺好入味，而且好彈牙 😋 另一款就酸酸地，好醒胃 😆刺身六款南非鮑魚鮮味彈牙；北海道帶子肥美鮮甜 👍🏻鰹魚配上自家調嘅醬汁，完全能夠提升到鰹魚嘅鮮味同香味 🤤 鮟鱇魚肝慕斯非常特別，口感香滑，將鮟鱇魚肝嘅香味變得更加濃郁 😋 非常少見嘅海鰻苗 BB，滑滑地又又鮮味，幾得意 🤩 日本生蠔夠曬大隻 😍 肥美之餘仲好鮮甜，高質。炸物三款非常高質嘅天婦羅！有魚、香菇同埋日本菜心，炸粉非常之薄，完全唔會食到成口粉嘅感覺，非常香脆之餘亦一啲都唔油膩 👍🏻 佢有啲柚子鹽可以加上去，但係其實就咁食都已經好好食 🤤壽司六貫金木鯛上面放咗少少柚子胡椒，令個味道鮮得黎又幾惹味 😋牡丹蝦都好特別，因為佢上面點綴左調咗味嘅蝦膏，所以蝦味特別濃郁 🤤北海道馬糞海膽超正！壽司上面嘅海膽多到滿寫 🤤 又甜又好味，海膽愛好者大推 🫶🏻燒大 Taro ❤️ 佢哋特別用咗魚下巴嘅部份，呢個位係最稀有最靚嘅，一條魚只可以整到兩件 😍 呢件拖羅油脂豐富，入口即化👍🏻另外仲有兩款鮮甜嘅鰈魚
前菜兩款
汁煮東風螺好入味，而且好彈牙 😋 另一款就酸酸地，好醒胃 😆
刺身六款
南非鮑魚鮮味彈牙；北海道帶子肥美鮮甜 👍🏻
鰹魚配上自家調嘅醬汁，完全能夠提升到鰹魚嘅鮮味同香味 🤤 鮟鱇魚肝慕斯非常特別，口感香滑，將鮟鱇魚肝嘅香味變得更加濃郁 😋 非常少見嘅海鰻苗 BB，滑滑地又又鮮味，幾得意 🤩 日本生蠔夠曬大隻 😍 肥美之餘仲好鮮甜，高質。
炸物三款
非常高質嘅天婦羅！有魚、香菇同埋日本菜心，炸粉非常之薄，完全唔會食到成口粉嘅感覺，非常香脆之餘亦一啲都唔油膩 👍🏻 佢有啲柚子鹽可以加上去，但係其實就咁食都已經好好食 🤤
壽司六貫
金木鯛上面放咗少少柚子胡椒，令個味道鮮得黎又幾惹味 😋
牡丹蝦都好特別，因為佢上面點綴左調咗味嘅蝦膏，所以蝦味特別濃郁 🤤
北海道馬糞海膽超正！壽司上面嘅海膽多到滿寫 🤤 又甜又好味，海膽愛好者大推 🫶🏻
燒大 Taro ❤️ 佢哋特別用咗魚下巴嘅部份，呢個位係最稀有最靚嘅，一條魚只可以整到兩件 😍 呢件拖羅油脂豐富，入口即化👍🏻
另外仲有兩款鮮甜嘅鰈魚，其中一款配上黑松露，各有特色 🫶🏻
湯
蜆肉滿滿嘅麵豉湯，蜆隻隻都大大隻，而且無沙好鮮甜 😌
甜品
甜品係水信玄餅，黑糖同黃豆粉夾得非常之好，加上口感較清爽嘅水信玄餅，作為呢餐咁好味嘅結尾真係十分之適合 👍🏻
Post
