Video
Read full review
2023-03-10
58 views
尖沙咀厚福街有好多唔同又有特色嘅餐廳小店, 厚福街中間位置有間門口細細, 有個貓圖案做招牌的鋪頭, 好有日本風嘅居酒屋。直上2樓全層, 超級大的, 裝修係全和風加上有好多可愛又吸精嘅日本鬼怪卡通壁畫, 舖內有幾間包房, 另一邊私隱度高的卡位, 和朋友聚餐聊天一流!居酒屋食物選擇好多, 有刺身, 串燒🍢, 鍋物🍲, 甚麼炒飯炒麵🍜🍛都有。這居酒屋賣點係清酒, 佢嘅選擇超多, 性價比高, 而佢地最近推廣緊清酒半價, 真係好抵飲。用餐前有一碟海帶小食, 芝麻味好香。餐廳用QR code落單, 超方便。我地點咗一份堂煮壽喜燒日本A4黑毛和牛 (250g) + 稻庭烏冬, 明太子厚揚燒, 櫻花蝦墨魚餅, 柚子乳酸梳打, 巨峰提子乳酸梳打🍹🍹。堂煮壽喜燒、日本A4黑毛和牛 (250g) - $428關西風的壽喜燒, 日本A4黑毛和牛🥓🥩, 仲有一盤蔬菜盛盒, 我地加多$28要多一份稻庭烏冬。第一次來吃, 店員會先幫忙講解示範煮一次。先用牛脂肪在熱鍋上出油, 然後將紫洋蔥, 京蔥落鍋爆香先, 再放一片和牛輕煎一下, 落埋壽喜燒汁….哇, 真係香到不得了。兩面煎一下就可以沾濃厚嘅蛋液一齊食; 我先試一
居酒屋食物選擇好多, 有刺身, 串燒🍢, 鍋物🍲, 甚麼炒飯炒麵🍜🍛都有。這居酒屋賣點係清酒, 佢嘅選擇超多, 性價比高, 而佢地最近推廣緊清酒半價, 真係好抵飲。
用餐前有一碟海帶小食, 芝麻味好香。餐廳用QR code落單, 超方便。我地點咗一份堂煮壽喜燒日本A4黑毛和牛 (250g) + 稻庭烏冬, 明太子厚揚燒, 櫻花蝦墨魚餅, 柚子乳酸梳打, 巨峰提子乳酸梳打🍹🍹。
堂煮壽喜燒、日本A4黑毛和牛 (250g) - $428
關西風的壽喜燒, 日本A4黑毛和牛🥓🥩, 仲有一盤蔬菜盛盒, 我地加多$28要多一份稻庭烏冬。第一次來吃, 店員會先幫忙講解示範煮一次。先用牛脂肪在熱鍋上出油, 然後將紫洋蔥, 京蔥落鍋爆香先, 再放一片和牛輕煎一下, 落埋壽喜燒汁….哇, 真係香到不得了。兩面煎一下就可以沾濃厚嘅蛋液一齊食; 我先試一片冇蛋汁🥚的都覺得非常之好食, 醬油甜甜的和牛煎得恰到好, 和牛油脂分佈平均, 口感非常軟滑, 牛肉鬆軟到不得了, 有入口即溶感覺, 好香牛味。我老公食有沾蛋汁, 佢話好好食, 牛肉和蛋香完美融合, 好滑, 講不出嘅好食呀! 6-8大片和牛都算抵食。食完煎和牛, 就可以叫店員幫忙加湯, 食湯鍋。蔬菜盛盒好豐富, 有不同的菜類, 菇類, 仲有豆腐同芋絲, 全部蔬菜都好新鮮。蔬菜吸哂鍋入面啲壽喜燒湯味, 再加烏冬食, 滋味無窮!
明太子厚揚燒 - $35
櫻花蝦墨魚餅 - $38
另外點了兩個最新推介, 惹味嘅明太子厚揚燒及櫻花蝦墨魚餅🦑。明太子厚揚燒外面酥脆明太子鹹香配內裏嘅豆腐一齊食, 豆腐柔軟清淡, 原來可以咁夾! 櫻花蝦墨魚餅呢個上枱已經聞到超香嘅櫻花蝦香味, 墨魚餅煎得香脆, 佐酒一流。
柚子乳酸梳打/ 巨峰提子乳酸梳打 - $33
兩杯乳酸梳打都好飲, 唔太甜, 又解渴。
這家壽喜燒專門店可說是壽喜燒中的佼佼者, 不但質素高但價錢又合理, 值得推介!
Post
