Video
Read full review
2023-12-05
74 views
就黎又聖誕，唔少餐廳都開始推出聖誕套餐。呢間位於酒店2樓嘅日式燒肉餐廳就推出二人套餐($1280)，有幾款前菜、燒肉拼盤、海鮮湯同甜品，都幾豐富。黑魚籽和牛他他和牛他他口感爽嫩，就好似食緊拖羅咁，配搭鮮味黑魚籽，每一啖都充滿和牛嘅油香。聖誕花圈雜錦刺身沙律沙律有甜蝦同帶子刺身，配埋蟹籽、食用花同酸汁，靚得黎，食落非常開胃。蒜香白酒煮藍青口呢道藍青口非常特別，店員會將青口連白酒湯密封喺特製袋入面再放上爐燒。青口食落鮮嫩而且吸收咗白酒同蒜香，湯底亦都非常鮮甜清香。松葉蟹肉海鮮湯海鮮湯味道清甜而且非常足料，除咗有松葉蟹鉗，仲有蝦、魷魚、帶子等配料。聖誕燒肉拼盤燒肉拼盤分部分，第一部分有4款牛肉，包括是日稀少部位、4%奇跡之牛極上牛肋肉、上等牛舌同上等牛後腿肉。今日就食到腿三角呢個稀少部位，腿三角同4%奇跡之牛極上牛肋肉一樣油花豐富而且分佈平均，肉質腍嫩。牛舌口感爽彈，而牛後腿肉因為脂肪較少，肉味就更加突出香濃。第二部分嘅燒肉拼盤做成聖誕樹嘅形狀，加上燈飾同煙霧效果，非常有聖誕氣氛。燒肉聖誕樹有Yaki-Shabu上等牛肩肉、上等牛後腿肉薄切同澳洲和牛牛頸脊薄切3款，輕輕一燒就食得，3款肉質都
黑魚籽和牛他他
和牛他他口感爽嫩，就好似食緊拖羅咁，配搭鮮味黑魚籽，每一啖都充滿和牛嘅油香。
聖誕花圈雜錦刺身沙律
沙律有甜蝦同帶子刺身，配埋蟹籽、食用花同酸汁，靚得黎，食落非常開胃。
蒜香白酒煮藍青口
呢道藍青口非常特別，店員會將青口連白酒湯密封喺特製袋入面再放上爐燒。青口食落鮮嫩而且吸收咗白酒同蒜香，湯底亦都非常鮮甜清香。
松葉蟹肉海鮮湯
海鮮湯味道清甜而且非常足料，除咗有松葉蟹鉗，仲有蝦、魷魚、帶子等配料。
聖誕燒肉拼盤
燒肉拼盤分部分，第一部分有4款牛肉，包括是日稀少部位、4%奇跡之牛極上牛肋肉、上等牛舌同上等牛後腿肉。今日就食到腿三角呢個稀少部位，腿三角同4%奇跡之牛極上牛肋肉一樣油花豐富而且分佈平均，肉質腍嫩。牛舌口感爽彈，而牛後腿肉因為脂肪較少，肉味就更加突出香濃。
第二部分嘅燒肉拼盤做成聖誕樹嘅形狀，加上燈飾同煙霧效果，非常有聖誕氣氛。燒肉聖誕樹有Yaki-Shabu上等牛肩肉、上等牛後腿肉薄切同澳洲和牛牛頸脊薄切3款，輕輕一燒就食得，3款肉質都係非常軟嫩，一咬就開，點埋生雞蛋黃一齊食就更加香。
聖誕最中餅
套餐本身有最中餅做甜品，聖誕樹嘅造型非常有氣氛，薄脆嘅餅皮夾住香濃咖啡味雪糕。
除咗最中餅，因為餐廳做緊推廣，堂食惠顧仲可以免費任食唔同款式嘅日本雪糕，
超開心。
。
。
Beefar's 鹿兒島燒肉 (尖沙咀)
尖沙咀金馬倫道8號The Otto酒店2樓
。
。
Post
