Video
Read full review
2024-01-12
53 views
老婆同朋友食飯，叫我去埋可以叫多d野食，大家齊齊開心些牙。佢地話要食韓國野，啱我，韓燒加炸雞，最愛，諗住可以狂擦。點鬼知，佢地兩樣都無叫，食其他韓式食物。韓國炸醬麵睇個賣相，仲諗住係重口味咸野黎，點知食落一d都唔咸，有d豬肉，有d蔬菜，麵唔會太淋，有d口感，撈埋一齊食，唔錯。韓式海鮮辣麵都算多料，有蝦，蟹，魷魚，青口，睇埋個湯底，仲以為係辛辣麵隻公仔麵咁，不過唔係公仔麵，放耐左都唔索晒d湯，辣辣地都ok。韓式糖醋肉對我黎講真心似咕嚕肉，無骨版本，酸甜口味。藥膳醬油蟹第一次食醬油蟹，之前未食過，成日以為勁咸，勁重醬油味，但原來食落小小甜味，估唔到。附上碗紙菜飯，醬將d蟹膏同蟹肉撈埋一齊食幾好食。另外佢入面有三文魚刺身，索左d醬油都好好食。之後拆埋d蟹肉出黎慢慢食，新鮮貨。燉牛排骨湯配飯有牛骨，d肉好淋，粉絲底，又有蘿白，仲有入面有支都幾大下既人參。三個女人都唔食飯，我自己啪晒一碗，用湯送飯，勁重牛味。韓式滷豬腳半份其實都幾大份下，有生菜同紫蘇葉比你用黎夾住食。又有兩款醬汁比你點。有人建議加埋泡菜一齊夾住食，好食d。海鮮蔥煎餅配醃洋蔥其實煎餅類似中式既咸薄餐，有大量蔥，我就好啱食架啦。我再
老婆同朋友食飯，叫我去埋可以叫多d野食，大家齊齊開心些牙。佢地話要食韓國野，啱我，韓燒加炸雞，最愛，諗住可以狂擦。點鬼知，佢地兩樣都無叫，食其他韓式食物。
韓國炸醬麵
睇個賣相，仲諗住係重口味咸野黎，點知食落一d都唔咸，有d豬肉，有d蔬菜，麵唔會太淋，有d口感，撈埋一齊食，唔錯。
韓式海鮮辣麵
都算多料，有蝦，蟹，魷魚，青口，睇埋個湯底，仲以為係辛辣麵隻公仔麵咁，不過唔係公仔麵，放耐左都唔索晒d湯，辣辣地都ok。
韓式糖醋肉
對我黎講真心似咕嚕肉，無骨版本，酸甜口味。
藥膳醬油蟹
第一次食醬油蟹，之前未食過，成日以為勁咸，勁重醬油味，但原來食落小小甜味，估唔到。附上碗紙菜飯，醬將d蟹膏同蟹肉撈埋一齊食幾好食。另外佢入面有三文魚刺身，索左d醬油都好好食。之後拆埋d蟹肉出黎慢慢食，新鮮貨。
燉
牛排骨湯配飯
有牛骨，d肉好淋，粉絲底，又有蘿白，仲有入面有支都幾大下既人參。三個女人都唔食飯，我自己啪晒一碗，用湯送飯，勁重牛味。
韓式滷豬腳半份
其實都幾大份下，有生菜同紫蘇葉比你用黎夾住食。又有兩款醬汁比你點。有人建議加埋泡菜一齊夾住食，好食d。
海鮮蔥煎餅配醃洋蔥
其實煎餅類似中式既咸薄餐，有大量蔥，我就好啱食架啦。
我再叫左個炸雜錦蔬菜（南瓜／蕃薯／香菇）
對我黎講，其實似天婦羅，我不嬲都麻麻地，試食左舊，新鮮炸起，夠哂熱，唔厚粉。
食左咁多野要飲番杯熱麥茶解解膩
叫左支米酒，由於飯後要去打波既關係，飲左啖，唔重酒味，有幾香既米味，甜甜地易入口，好易越飲越多，咪講笑。
雖然餐廳都幾多客，但侍應都應付自如，有禮又幫手。
Post
