Video
Read full review
2023-04-22
1134 views
而家雖然愈嚟愈多地方有蠔食，但自從連去自助餐都試過食到肚痾之後，就算幾鍾意都好，都要搵間有保證嘅先大食特食！今次嚟呢間蠔吧連個名都有個蠔字，每日法國直送🇫🇷，兼即叫即開，咁新鮮，梗係要「蠔」一次！除咗生蠔之外，餐廳仲有由唔同國家直送嘅海鮮，好似今次食嘅北海道活赤貝、車厘蜆，仲有龍蝦等，都新鮮到可以當刺身咁食，🤤真係好鬼爽！餐廳雖然唔係好大，黑白格地磚，牆身一幅由不同國家英文名砌成嘅世界地圖，配合昏暗嘅燈光，非常有格調。而且餐廳都好注意衛生，餐具都同盒裝好，每枱都會有碟畀你放蠔殻，令人更有信心盡情做「蠔」客！店員拎出一盤勁吸睛嘅冰震海鮮拼盤之後，會逐一介紹生蠔嘅食法同次序，唔講唔知食生蠔都有分 number，0號至6號間，數字愈細就愈大隻。味道由淡至濃講起～🦪Cocollos-No.2 $43淡淡嘅海水味，令鮮味更突出。肉質爽口，豐滿厚實。🦪Tia Maraa $44肉質更飽滿，更鮮甜，鮮味喺口內蔓延縈繞不散！🦪Masses-No.1 $53海水味道濃郁，肥美飽滿，蠔香十足，唔點任何醬汁都好好食！🦪Gillardeau-No.2 $484款中，蠔味同海水味道最重嘅一款。濃郁甘香，肉質綿滑
除咗生蠔之外，餐廳仲有由唔同國家直送嘅海鮮，好似今次食嘅北海道活赤貝、車厘蜆，仲有龍蝦等，都新鮮到可以當刺身咁食，🤤真係好鬼爽！
餐廳雖然唔係好大，黑白格地磚，牆身一幅由不同國家英文名砌成嘅世界地圖，配合昏暗嘅燈光，非常有格調。而且餐廳都好注意衛生，餐具都同盒裝好，每枱都會有碟畀你放蠔殻，令人更有信心盡情做「蠔」客！
店員拎出一盤勁吸睛嘅冰震海鮮拼盤之後，會逐一介紹生蠔嘅食法同次序，唔講唔知食生蠔都有分 number，0號至6號間，數字愈細就愈大隻。味道由淡至濃講起～
🦪Cocollos-No.2 $43
淡淡嘅海水味，令鮮味更突出。肉質爽口，豐滿厚實。
🦪Tia Maraa $44
肉質更飽滿，更鮮甜，鮮味喺口內蔓延縈繞不散！
🦪Masses-No.1 $53
海水味道濃郁，肥美飽滿，蠔香十足，唔點任何醬汁都好好食！
🦪Gillardeau-No.2 $48
4款中，蠔味同海水味道最重嘅一款。濃郁甘香，肉質綿滑爽口，勁creamy！
車厘蜆 $43
車厘蜆就係加大版嘅蜆，體型超大，肉質豐滿厚實，非常爽口，沾埋醬油同日式芥末，鮮味就更突出！
北海道活赤貝 $78
師傅砌到好似花咁，好靚好特別。肉質爽脆、鮮甜醇香，口感非常有彈性！
🦞活龍蝦套餐 $788
龍蝦刺身
第一次食龍蝦刺身，估唔到係咁鮮甜爽口，沾埋 cocktail 汁，鮮味立即 level up，啖啖肉食得好過癮！
龍蝦濃湯
龍蝦湯味道濃郁，鮮甜幼滑，仲食到大大嚿龍蝦肉。食咗咁多凍嘢，暖下個胃好舒服！
🍝龍蝦意粉
麵條彈牙之餘，掛滿龍蝦忌廉汁，龍蝦鉗已經拆好，啖啖肉！而且意粉內嘅龍蝦肉都有好多，肉質結實有彈性，勁正！
Post
