Video
Read full review
2023-04-26
38 views
📍𝗡.𝟮𝟴 𝗧𝗲𝗽𝗽𝗮𝗻𝘆𝗮𝗸𝗶 (尖沙咀) 最近愛上咗食鐵板燒🔥，今次就搵咗呢間位於尖沙咀棉登徑嘅日式鐵板燒餐廳~ 餐廳嘅裝修設計高雅🖤，充滿格調，而且環境寧靜舒適~ 佢哋嘅午市套餐都幾抵食，如果大家嚟緊要慶祝生日/紀念日都可以考慮嚟呢度食返餐好😘！如果鐘意飲清酒嘅話，逢星期六/日加$400就可以任飲3款清酒~ 🍶𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:◾️午市廚師發板套餐 ($680/1)▫️田園沙律沙律新鮮爽脆🥗，黑醋汁微酸，味道清新，而且加入咗藜麥同蘆薈粒，好健康。另外仲有明太子沙律，鹹香滿滿。▫️茶碗蒸🥚茶碗蒸火候剛剛好，入口好嫩好滑溜，味道鮮甜。▫️飛魚子配天使蝦他他上菜時店員會慢慢開蓋，隨即煙霧彌漫，啱晒打卡📸，而且仲會有少少煙燻味湧出。天使蝦肉味道鮮甜😋，而面頭有超多飛魚子，增添口感，配埋柚子汁令味道更加出色！▫️香煎北海道帆立貝帆立貝好大粒飽滿😍，煎得好香，肉質鮮嫩，醬汁係黑松露鮑魚肝醬，味道濃郁，兩者超夾！▫️鐵板銀鱈魚銀鱈魚嘅外皮煎得超脆身😆，好香口！而內裏嘅魚肉肉質嫩滑🐟，油脂香豐富，啖啖肉好正！而旁邊嘅醬汁係馬山椒汁，食落微辣好正！▫️鐵板大虎蝦蝦肉好巨型🦐，肉質挺身札實，食落爽口彈牙
最近愛上咗食鐵板燒🔥，今次就搵咗呢間位於尖沙咀棉登徑嘅日式鐵板燒餐廳~ 餐廳嘅裝修設計高雅🖤，充滿格調，而且環境寧靜舒適~ 佢哋嘅午市套餐都幾抵食，如果大家嚟緊要慶祝生日/紀念日都可以考慮嚟呢度食返餐好😘！如果鐘意飲清酒嘅話，逢星期六/日加$400就可以任飲3款清酒~ 🍶
𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:
◾️午市廚師發板套餐 ($680/1)
▫️田園沙律
沙律新鮮爽脆🥗，黑醋汁微酸，味道清新，而且加入咗藜麥同蘆薈粒，好健康。另外仲有明太子沙律，鹹香滿滿。
▫️茶碗蒸
🥚茶碗蒸火候剛剛好，入口好嫩好滑溜，味道鮮甜。
▫️飛魚子配天使蝦他他
上菜時店員會慢慢開蓋，隨即煙霧彌漫，啱晒打卡📸，而且仲會有少少煙燻味湧出。天使蝦肉味道鮮甜😋，而面頭有超多飛魚子，增添口感，配埋柚子汁令味道更加出色！
▫️香煎北海道帆立貝
帆立貝好大粒飽滿😍，煎得好香，肉質鮮嫩，醬汁係黑松露鮑魚肝醬，味道濃郁，兩者超夾！
▫️鐵板銀鱈魚
銀鱈魚嘅外皮煎得超脆身😆，好香口！而內裏嘅魚肉肉質嫩滑🐟，油脂香豐富，啖啖肉好正！而旁邊嘅醬汁係馬山椒汁，食落微辣好正！
▫️鐵板大虎蝦
蝦肉好巨型🦐，肉質挺身札實，食落爽口彈牙，蝦頭入面仲有好多濃稠嘅蝦膏🤤，味道香濃鮮美！另外伴有海膽松露醬，更添蝦肉鮮味！
▫️清酒煮地蛤湯
地蛤好大隻，肉質厚身，咬落啖啖肉。👍湯底味道好鮮甜，清酒味道好突出，飲完個胃暖笠笠咁🥰好舒服！
▫️美國牛肉厚燒
牛肉選擇咗5成熟，肉質好粉嫩，食落牛味濃郁🐮，超juicy! 另外搭有昆布鹽、麵豉醬、淡雪香草鹽、炸蒜片，可以自己配搭去食，3款調味料都同牛肉好夾👏，可以帶出牛肉嘅鮮味。
▫️海膽蟹肉釜飯
釜飯好足料，入口有陣陣嘅牛肉油脂香味😚，好香口。面頭有海膽同蟹肉，味道鮮甜，好高質！
▫️芝士蛋糕
最後甜品會有一件柚子味芝士蛋糕🍰，味道好清新✨，唔會感覺膩，即使食得超飽都仲食得落~
𝑨𝑫𝑫𝑹𝑬𝑺𝑺:
📍尖沙咀棉登徑28號錦榮商業大廈地舖
G/F, Kam Wing Commercial Building, 28 Minden Ave, Tsim Sha Tsui
Post
