Video
Read full review
2023-09-24
10 views
精選二人前套餐 ($1,280/二人前/另加一) ★－:+:－:+:－:+:－:+:－:+:－:+:－:+:－★尖沙咀海港城附近嘅媄，開業未夠一年，主打日式鐵板燒，環境開揚寬闊，裝潢時尚，落地玻璃窗可以睇到九龍公園，景觀靚🌿🌿全間餐廳分開三個區域，兩張大吧枱，一間吧枱房，全部圍住鐵板枱，可以全程觀賞廚師廚藝近距離交流；叫咗二人前套餐，有12道菜，各式高檔食材該有嘅都有，食材新鮮👍🏻包你食到飽😌🥢1) 凍粟米濃湯 配 荔枝漬蕃茄🥢2) 龍蝦汁蒸蛋 配 紫蘇花 🥢3) 南非鮑魚 配 鮑魚肝醬 🥢4) 沙巴虎蝦 配 蝦膏蟲草花醬🥢5) 甘鯛立鱗燒 配 酸菜魚汁🥢6) 鵝肝多士 配 蘋果醋蓉🥢7) 美國牛肉🥢8) 蝦頭麵豉湯🥢9) 鐵板炒飯🥢10) 炒野菜🥢11) 焦糖多士🥢12) 柚子雪葩前菜凍粟米濃湯，粟米味清新香甜，配車厘茄開開胃☺️龍蝦汁蒸蛋🥚廚師喺面前倒蛋漿，加入魚蛋，慢慢等佢製成，最後加上龍蝦汁配紫蘇花，水蛋滑嘟嘟👍🏻南非鮑魚入口煙韌彈牙，配特製鮑魚肝醬，多層次味道😍沙巴虎蝦係海蝦，唔係養蝦呀🤓一隻大過手板，爽口彈牙，用蝦膏+蟲草花做醬，比較濃味啲，鮮上加鮮；蝦頭同蝦殼拎去熬製之後
★－:+:－:+:－:+:－:+:－:+:－:+:－:+:－★
尖沙咀海港城附近嘅媄，開業未夠一年，主打日式鐵板燒，環境開揚寬闊，裝潢時尚，落地玻璃窗可以睇到九龍公園，景觀靚🌿🌿全間餐廳分開三個區域，兩張大吧枱，一間吧枱房，全部圍住鐵板枱，可以全程觀賞廚師廚藝近距離交流；叫咗二人前套餐，有12道菜，各式高檔食材該有嘅都有，食材新鮮👍🏻包你食到飽😌
🥢1) 凍粟米濃湯 配 荔枝漬蕃茄
🥢2) 龍蝦汁蒸蛋 配 紫蘇花
🥢3) 南非鮑魚 配 鮑魚肝醬
🥢4) 沙巴虎蝦 配 蝦膏蟲草花醬
🥢5) 甘鯛立鱗燒 配 酸菜魚汁
🥢6) 鵝肝多士 配 蘋果醋蓉
🥢7) 美國牛肉
🥢8) 蝦頭麵豉湯
🥢9) 鐵板炒飯
🥢10) 炒野菜
🥢11) 焦糖多士
🥢12) 柚子雪葩
前菜凍粟米濃湯，粟米味清新香甜，配車厘茄開開胃☺️龍蝦汁蒸蛋🥚廚師喺面前倒蛋漿，加入魚蛋，慢慢等佢製成，最後加上龍蝦汁配紫蘇花，水蛋滑嘟嘟👍🏻南非鮑魚入口煙韌彈牙，配特製鮑魚肝醬，多層次味道😍沙巴虎蝦係海蝦，唔係養蝦呀🤓一隻大過手板，爽口彈牙，用蝦膏+蟲草花做醬，比較濃味啲，鮮上加鮮；蝦頭同蝦殼拎去熬製之後嘅麵豉湯；甘鯛立鱗燒，omakase常食到嘅菜式，食落有蒸魚嘅嫩滑感，配特製酸菜魚汁，帶微微麻香+花椒味，出奇地夾🤝🏻魚鱗煎到焦脆，一啲都唔吉口，好食！鵝肝多士，鵝肝肥嫩，入口即溶化，勁有油香😍伴蘋果醋蓉+多士，剛好平衡咗油膩感，再咬啖冰凍菠蘿清除口中膩感；美國牛肉可以揀有薄燒或厚燒，點咗厚燒五成熟，鮮嫩有肉汁，廚師教路可以先點wasabi，襯托牛柳味道，都唔夠味先配鹽漬昆布😌一般鐵板燒都係單調嘅蛋炒飯，呢度係高菜炒飯，有新鮮感；廚師問要半碗飯定一碗飯，可以避免假如太飽食唔晒浪費食物，讚👍🏻炒野菜清甜爽脆；最後層層疊焦糖多士，配柚子味雪葩，多士超脆砂糖，入口索索聲😋
整體食物質素好，廚師好nice，主動同客人交流🫶🏻每款菜色都會詳細解說👍🏻服務由基本抹碟、擺碟、斟茶、講解樣樣做得好足，餐具碗碟都好打卡able，特別一讚每道菜都精心去配唔同嘅自家製醬汁，有誠意🔥會再光臨系列🤗
Post
