八月居 (海港城) (Closed)

安格斯半熟牛肉沙律：夠份量，唔會只係得兩三塊牛肉。牛肉超淋，而且煎得好香！沙律有青瓜絲、洋蔥絲同甜椒絲，夾埋啲汁同塊牛食，完全唔會太油太漏！蛋香雞肉醬配脆脆鍋巴：其實有兩份鍋巴，所以唔會太少。醬料有別於一般沙律醬，蛋香味幾濃。個鍋巴炸得好脆，唔會太硬，而且好香紫菜味！就算唔加醬都好食。白灼味味俱全配香辣汁：一上菜就覺得好特別！有苦瓜、紫椰菜、蕃薯苗，另外仲有好少見嘅南瓜花同越南四角豆。香辣汁唔會得個辣字，鹹鹹地，用黎配啲菜又唔會蓋晒菜本身嘅味。係其他地方好少會食到咁嘅配搭。黑醋珠伴豚肉：唔好以為上面嘅係魚子，其實係黑醋珠！食落就好似喼汁味嘅爆珠一樣，冇咗佢嘅話就冇咗個精髓喇！雙蝦蘿蔔糕：雙蝦係蝦球加蝦乾，個蝦球夠晒大，而且肉質好爽！蘿蔔糕唔會太粉，配埋個汁唔錯。醬油炒飯：唔好睇佢好深色咁，有少少甜甜地嘅醬油，唔會太鹹，仲有啲薑汁味，炒得好香！蛋散好脆，又唔會太多蜜糖而太甜，唔會漏！每次都會叫依個！其實係大大塊嘅軟朱古力曲奇配雪糕，記得要趁熱食呀！焗西米布丁：唔太甜，好香嘅奶皇味！總結：選擇多，而且都幾特別。賣相滿分！味道都滿分！