寢宮

Open Now

Now Closed

尖沙咀諾士佛臺Badroom寢宮，全場以黑色為主色調，加上播放著輕快既音樂，令人感覺放鬆。餐廳而家做緊推廣，經openrice訂座可享優惠2選1，全日餐牌食品半價或惠顧任何主食/兩款小食，可獲飲品買一送二優惠；而且不設最低消費，非常抵玩。凱撒沙律：沙律菜新鮮、麵包糠脆卜卜、煙肉條咸香，配埋凱撒沙律汁、碎芝士，開胃又健康。炸海鮮拼盤：份量十足，分別有帶子/吉列蠔/吉列炸蝦/餃子，炸粉恰到好處，唔會過份厚，而且超級酥脆，沾上沙律醬汁，滋味滿分。日本廣島蠔肉貝殼粉：日本廣島蠔肥美厚肉，鮮味十足，貝殼粉大大粒，煙韌有咬口，洋蔥忌廉汁煮得香滑creamy，味道一流。夏威夷薄餅：薄餅現場烤焗，餅底和邊位特別鬆脆，現場食無得輸。Blue Ocean：浪漫既藍色，非常漂亮。Thaijito：口感酸酸甜甜，味道有驚喜。總結，餐廳食物製作用心，配搭有創意，令我哋食得好滿足。