M Zone 親和藝術 (Closed)

老細呢日請我食lunch，帶我嚟到「M Zone 親和藝術」，唔通想我學下親和藝術，好似有啲隱喻啵 😅餐廳位於尖東，午餐時段有提供不同種類輕食， 亦可以加$20轉做set lunch，包含餐湯、沙律同蒜蓉包。自然光透過向街嘅落地玻璃照入餐廳，環境幾舒適，不過部份座位冇靠背，上年紀嘅朋友可能會坐得冇咁舒適。睇返OpenRice，原來呢間餐廳中午係cafe，晚上搖身一變做酒吧。=========================✨前菜餐湯係薯仔湯，味道似忌廉湯，但質感過於濃稠，個人唔喜歡個質感。🍝雜菌忌廉意粉 $78意粉有彈牙口感，略嫌有少少乾，味道偏淡，如果有多啲醬汁就好，會更濃郁。🍴All Day Breakfast $128顏色鮮艷睇落好豐富，黑松露炒蛋幾嫩滑、烤蘑菇juicy， 蜜瓜新鮮爽脆。☕️Earl grey latte （+$20）賣相擺盆有心思，咖啡泡沫嘅表面鋪上茶粉，而木盤上放有乾花裝飾，同埋一句message。咖啡唔酸唔燶易入口，Earl grey茶香同咖啡balance~除咗咖啡可以為客人充電，相信餐廳亦想為客人嘅心靈充充電⚡️======================