Video
Read full review
2023-07-20
47 views
呢排比較少食中餐，今次專登嚟到尖沙咀見到呢間鬧市中嘅中菜館，鄰近地鐵站，見到人哋嘅相片好似唔錯咁，所以今次就同朋友嚟試吓好唔好食！原來呢度有午市Set - 阿翁鮑魚，美食套餐，可以試到唔同嘅點心，每位都係$488，點心望落十分精緻！😍🦐精美點心拼盤 (可選3款)有蝦餃、粉粿、燒賣、涼皮餃、芋角同鹹水角選擇，每款會有一個，賣相非常吸引，今次就揀咗燒賣、芋角同蝦餃，呢幾款上枱嘅時候仲熱辣辣，蝦餃皮薄餡靚，係用海蝦和少許肥肉加笋粒而成， 而比較好少見嘅芋角都有，外皮炸到好鬆脆，一層層嘅外皮包住芋頭嘅餡料，認真唔錯😋🥄富豪靚湯估唔到呢度都有招牌嘅靚湯，飲落去清甜好飲，感覺唔會好油膩，啱啱食完點心就配搭上精美靚湯，的確可以令人繼續品嚐下一味菜式😚🪿35品吉品鮑鵝掌時菜配迷你瑤柱鮮蝦荷葉飯午市可以食到鮑魚真系好滿足，鮑魚軟滑溏心，配上濃濃嘅鮑魚汁，簡直想令人再想食多件。仲有鵝掌配搭呢款嘅菜式，簡直生色不少！而旁邊度配有條菜心，菜心吸收咗醬汁嘅鮮甜味，不錯！另外仲配上精美嘅荷葉飯，份量以為唔係好多，但識落真係好飽，迷你嘅份量其實都足夠一個人食！🥚生磨蛋白杏仁茶呢度嘅杏仁茶味道唔錯，一上枱嘅時
🦐精美點心拼盤 (可選3款)
有蝦餃、粉粿、燒賣、涼皮餃、芋角同鹹水角選擇，每款會有一個，賣相非常吸引，今次就揀咗燒賣、芋角同蝦餃，呢幾款上枱嘅時候仲熱辣辣，蝦餃皮薄餡靚，係用海蝦和少許肥肉加笋粒而成， 而比較好少見嘅芋角都有，外皮炸到好鬆脆，一層層嘅外皮包住芋頭嘅餡料，認真唔錯😋
1 views
0 likes
0 comments
0 views
0 likes
0 comments
🥄富豪靚湯
估唔到呢度都有招牌嘅靚湯，飲落去清甜好飲，感覺唔會好油膩，啱啱食完點心就配搭上精美靚湯，的確可以令人繼續品嚐下一味菜式😚
🪿35品吉品鮑鵝掌時菜配迷你瑤柱鮮蝦荷葉飯
午市可以食到鮑魚真系好滿足，鮑魚軟滑溏心，配上濃濃嘅鮑魚汁，簡直想令人再想食多件。仲有鵝掌配搭呢款嘅菜式，簡直生色不少！而旁邊度配有條菜心，菜心吸收咗醬汁嘅鮮甜味，不錯！另外仲配上精美嘅荷葉飯，份量以為唔係好多，但識落真係好飽，迷你嘅份量其實都足夠一個人食！
0 views
0 likes
0 comments
1 views
0 likes
0 comments
🥚生磨蛋白杏仁茶
呢度嘅杏仁茶味道唔錯，一上枱嘅時候已經聞到香濃嘅杏仁味，一打開杏仁味已經一擁而出，食落口更令成個口腔都感受到杏仁嘅香味，食落唔會好甜，係唔錯嘅甜品。
🥧精選甜美點兩件
最後附上兩款當日的甜點，分別係一塊杏仁餅及一個糕點作午餐的結束，配上靚茶劃上完美的句號
0 views
0 likes
0 comments
Post
