黑木亭居酒屋 (金馬倫道)

每次經過呢間餐廳已經好想食，就位於金馬倫道，非常方便！今次叫咗$398嘅lunch set，包括刺身，燒物，$88以下嘅主食同埋甜品！主食嘅選擇有好多，其他只需要補差價就可以食到好高質嘅丼飯！刺身方面，呢個set包咗2隻法國生蠔，生蠔鮮甜新鮮，洗得好乾淨，加埋檸檬汁令味道升華！而另一款係薄切白身魚刺身，total有8片，油脂分布均勻，加埋佢哋特制嘅配柚子醬，口感好豐富。燒物方面就上咗真燒蟹甲羅，個人真係好中意食呢個，蟹膏同蟹嘅份量都好多，上面仲有滑溜溜嘅鵪鶉蛋同埋蟹籽點綴，仲有青瓜解膩，而且仲有法包可以配埋一齊食真係大加分，蟹膏嘅底部仲有蠟燭加熱，好貼心！主食方面，今次揀咗火焰帶子海膽丼($198)同埋活鰻海鰻丼($138)，呢兩個丼飯都好出色，帶子加海膽呢個組合真係超高分！再加上佢哋嘅丼飯食落酸酸甜甜，胃口真係超級好，大推！另外鰻魚都燒得好香脆，配埋燒汁嘅丼飯，每一啖都好滿足！最驚喜嘅係佢哋仲有個自助吧枱可以任拎沙律、小食同麵豉湯，絕對可以再黎！環境都好靚乾淨，入面仲有兩間大房，絕對唔需要擔心會嘈，好適合同朋友聚會。