Video
2018-10-09
101 views
小弟有幸竟然係尖沙嘴呢d鬧市中心發掘到一家飲茶免加一，但點心絕對媲美高級酒樓質素的餐廳，仲要營業到夜晚11點！絕對係無花無假的好推介！點心款式貴精不貴多，一d點心例如：「百花釀魚肚」「藥膳湯鳳爪」「芝心蝦春卷」等都係一般酒樓、中菜館搵唔到的，有心思抵讚！我見在場好多人點春卷，跟下風，竟然有意外發現。春卷炸得外脆內軟，春卷皮不厚，不怕搶走內面的餡的戲份。大廚用蝦膠伴以芝士作餡，食落好香口。百花釀魚肚-百花指蝦滑，上面灑了蟹籽，舖在魚肚上蒸熟。在蒸籠內，鮮甜的精華被魚肚逐一吸收，有心思。逸翠鮮蝦餃，隔著餃皮都隱約見到隻蝦的位置！原隻鮮蝦係賣點，而且係爽口的，絕對不怕梅，認真係皮薄餡靚！蜜味叉燒腸-亦都係薄到通透的粉皮，十分滑嫩，蒸的時間控制的剛剛好，一點也不怕老、鞋。飲茶點少得叫番個鳳爪排骨飯？飯和餸的比例恰到好處，排骨尤其嫩滑可口，比一般的酒樓盅頭飯有過之而無不及！最後來一個南瓜西米露（熱），為呢餐劃上完美的句號！每羹都有南瓜蓉，不太甜剛剛好🤗白灼菜心，份量絕不馬虎，十分青甜。餐廳的菜單有英文翻譯，老闆好細心啊😻值得多多支持！伙計的態度亦非常好，呢餐飯都好滿足！
小弟有幸竟然係尖沙嘴呢d鬧市中心發掘到一家飲茶免加一，但點心絕對媲美高級酒樓質素的餐廳，仲要營業到夜晚11點！絕對係無花無假的好推介！
點心款式貴精不貴多，一d點心例如：「百花釀魚肚」「藥膳湯鳳爪」「芝心蝦春卷」等都係一般酒樓、中菜館搵唔到的，有心思抵讚！
我見在場好多人點春卷，跟下風，竟然有意外發現。春卷炸得外脆內軟，春卷皮不厚，不怕搶走內面的餡的戲份。大廚用蝦膠伴以芝士作餡，食落好香口。
百花釀魚肚-百花指蝦滑，上面灑了蟹籽，舖在魚肚上蒸熟。在蒸籠內，鮮甜的精華被魚肚逐一吸收，有心思。
逸翠鮮蝦餃，隔著餃皮都隱約見到隻蝦的位置！
原隻鮮蝦係賣點，而且係爽口的，絕對不怕梅，認真係皮薄餡靚！
蜜味叉燒腸-亦都係薄到通透的粉皮，十分滑嫩，蒸的時間控制的剛剛好，一點也不怕老、鞋。
飲茶點少得叫番個鳳爪排骨飯？飯和餸的比例恰到好處，排骨尤其嫩滑可口，比一般的酒樓盅頭飯有過之而無不及！
最後來一個南瓜西米露（熱），為呢餐劃上完美的句號！每羹都有南瓜蓉，不太甜剛剛好🤗
白灼菜心，份量絕不馬虎，十分青甜。
餐廳的菜單有英文翻譯，老闆好細心啊😻值得多多支持！伙計的態度亦非常好，呢餐飯都好滿足！
Post
