光榮冰室 (厚福街) (Closed)

尖沙嘴係一個人流極多的地區，周圍充滿游客！同朋友逛完街後，朋友提議食煲仔飯。我沒有意見！原本以爲我地要去去油麻地先可以食到煲仔飯。點知友卻帶了我去一間光榮冰室！外面看起來就像一間普通的茶餐廳！友人說：呢度煲仔飯的味道不錯，她經常來吃。煲仔飯的選擇都有十餘款！如果唔食煲仔飯的朋友都可食茶餐。窩蛋牛肉飯：熱辣辣的煲仔飯即叫即整，白飯的熱力將絲絲的鷄蛋逼至半熟。牛肉大舊嫩滑！鷄蛋蛋拌飯粒，加上甜豉油，是最完美配搭。攪拌後的蛋黃香味四溢，拌以香滑的嫩牛肉，飯香隨之撲鼻，每一匙飯也充滿鷄汁，非常美味。食到最底仲有鍋吧，有少少焦的鍋吧很脆口！真係差點被我食到飯粒也不剩。煲仔飯+20蚊可以有一碟油菜！和友人一起分享，感覺很健康。薑葱鮮鯇魚飯：撥開薑葱後，大大條的鯇魚鋪滿飯面！鯇魚完全唔腥仲好鮮甜。大大碗好滿足呢。這裏除了煲仔飯還有茶餐！價錢合理，下次進過尖沙咀一定會再來。