Video
Read full review
2023-05-28
23 views
今日嚟到尖沙嘴過一個Chill Chill週六夜，去咗金馬倫道嘅呢間Club試下，入面裝修好靚，行星球風，完全想象到平時夜場會幾咁墟冚好玩！坐低就叫咗兩杯嘢（HH時段飲品係買一送一，好抵！），一杯係Erel Grey加Martini嘅Cocktail入口有淡淡茶香，好醒胃，適合慢慢品嚐！另一杯則係Fruit Punch Mocktail，熱情果味好出，甜甜酸酸咁令人忍唔住一啖接一啖飲落去！當然啲杯都好靚仔，就咁睇都覺得好有Feel今晚超肚餓，就叫咗一大堆燒物試下！呢個經典甲羅燒（$86）十分抵食，係我最推介嘅，蟹肉撈埋啲蛋好夾，熱辣辣放入口滋味無窮！而燒日本廣島蠔（$86）就有三隻，上面鋪滿咗蒜同辣椒， 既有蠔嘅鮮味，亦有唔同配料增加口感，格外惹味串燒日本大元貝（$97）都係十分推介的，隻元貝真係好大隻！新鮮得嚟又燒得啱啱好，加埋上面果大堆蒜，令層次又再昇華味醂雞泡魚乾（$75）分量好多，係我哋食到最尾嘅一碟！一邊傾計，一邊送酒一流！個醬好香口！呢碟上面就有厚切牛舌串（$75）同京蔥豚肉串（$53），牛舌真係好厚，但又入口即溶，牛味都好突出，好似食緊牛柳咁！而豚肉串係五花腩，油脂豐富，
去咗金馬倫道嘅呢間Club試下，
入面裝修好靚，行星球風，完全想象到平時夜場會幾咁墟冚好玩！
坐低就叫咗兩杯嘢（HH時段飲品係買一送一，好抵！），一杯係Erel Grey加Martini嘅Cocktail
入口有淡淡茶香，好醒胃，適合慢慢品嚐！
另一杯則係Fruit Punch Mocktail，熱情果味好出，
甜甜酸酸咁令人忍唔住一啖接一啖飲落去！
當然啲杯都好靚仔，就咁睇都覺得好有Feel
今晚超肚餓，就叫咗一大堆燒物試下！
呢個經典甲羅燒（$86）十分抵食，係我最推介嘅，
蟹肉撈埋啲蛋好夾，熱辣辣放入口滋味無窮！
而燒日本廣島蠔（$86）就有三隻，上面鋪滿咗蒜同辣椒，
既有蠔嘅鮮味，亦有唔同配料增加口感，格外惹味
串燒日本大元貝（$97）都係十分推介的，隻元貝真係好大隻！
新鮮得嚟又燒得啱啱好，加埋上面果大堆蒜，令層次又再昇華
味醂雞泡魚乾（$75）分量好多，係我哋食到最尾嘅一碟！
一邊傾計，一邊送酒一流！個醬好香口！
呢碟上面就有厚切牛舌串（$75）同京蔥豚肉串（$53），
牛舌真係好厚，但又入口即溶，牛味都好突出，好似食緊牛柳咁！
而豚肉串係五花腩，油脂豐富，夾埋蔥嚟食又唔會覺得膩口
呢度就有幾款串燒，左手面係日本豚肉蘆筍卷（$53），
幾鍾意佢啲豚肉切到薄薄的，包住蘆筍就令兩種食材個味互相配搭到，令人覺得幾新鮮
而右上係鹽燒原塊雞皮（$42），雞皮尚算脆口，係串燒必叫嘅邪惡之選！
隔離係味燒雞胸脆骨（$42），雞胸脆骨真係好少食到，係一嚿軟骨嚟，
燒汁味道香濃，加上爽脆嘅口感，成個感覺都幾特別吓
下面就係汁燒杏鮑菇串（$29），菇身好厚，吸曬啲汁，十分Juicy，好適合肉與肉之間間下場！
最右下就係惹味雞腎串（$30），切到細細粒，易入口，汁料香濃，好快就清曬！
而呢碟就係芝士大啡菇（$42），又無諗過燒物當中有啲咁西式嘅食法！
啡菇都幾大隻，芝士好香，而中間夾住嘅係巨量嘅蒜，成件事就係想象以外咁澎湃可口，值得一試！
旁邊嘅係隻糖原個蕃茄（$42），都係無諗過會咁清甜！加咗焦糖令個蕃茄更加甜、更加香，食完咁多燒物，食返個蕃茄成個感覺好Refreshing！
最後，叫個自家製燒飯團（$53）當然就想食飽個肚啦！但又估唔到佢個燒汁又幾香口，配埋其他燒物一齊食，味道就更加豐富
嚟張串燒大曬冷先！
呢間Club氣氛好好，食物比想象中做得更精緻有心機，值得大家嚟試下呀！
比啲餐牌大家參考下：
Post
