Video
Read full review
2018-01-28
1530 views
鹿鳴春⋯⋯我細細個就聽過呢個名㗎喇🙊其實都係聽左幾年姐，事關呀媽成日聽人講話好食，成日都話要泥試，但你知啦～我地食開平野嘅點捨得食幾百蚊一隻片皮鴨，去到唔係淨係食鴨㗎嘛😅但今年呀媽生日，一於實現佢嘅願望啦～由於佢成日嚇我話難book枱，所以我早左一個月打電話黎😂接電話嘅職員都算有禮貌，成個預約過程都算愉快嘅。我地訂左7半，結果當晚早左15分鐘左右到，門口未見有人等位。入到去⋯驚見樓底好矮，而且枱放得幾密雜，係果種⋯⋯後面枱個人起身會撞到我椅背嗰種～好喇，終於坐底左，睇睇餐牌⋯太多選擇，得4個人又唔食得多野，結果問左個伙記意見～位女伙記態度唔錯，同我地介紹左幾樣野，仲話要細size就夠，怕太多野食唔哂～首先黎個頭盤～素鵝拼醬蹄，竟然咁快就有驚喜😲d素鵝同出面好唔同，唔係炸面，反而係凍食嘅腐皮，好淋口，一d都唔油，個個都話好食～我反而幾欣賞個醬蹄，肥瘦適中，惹味開胃👍🏻之後就緊係主打菜片皮鴨啦～佢無半隻叫，就算你2個人黎都只能硬食一隻！佢安排師傅喺我地面前片隻鴨，熱辣辣幾教力功👏🏻師傅三爬兩撥就片完隻鴨，結果有2大碟。賣相相當唔錯～我先食一件無夾皮，鴨香味無想像中濃，而且比較油，但夾住d青
由於佢成日嚇我話難book枱，所以我早左一個月打電話黎😂接電話嘅職員都算有禮貌，成個預約過程都算愉快嘅。我地訂左7半，結果當晚早左15分鐘左右到，門口未見有人等位。入到去⋯驚見樓底好矮，而且枱放得幾密雜，係果種⋯⋯後面枱個人起身會撞到我椅背嗰種～
好喇，終於坐底左，睇睇餐牌⋯太多選擇，得4個人又唔食得多野，結果問左個伙記意見～位女伙記態度唔錯，同我地介紹左幾樣野，仲話要細size就夠，怕太多野食唔哂～
首先黎個頭盤～素鵝拼醬蹄，竟然咁快就有驚喜😲d素鵝同出面好唔同，唔係炸面，反而係凍食嘅腐皮，好淋口，一d都唔油，個個都話好食～我反而幾欣賞個醬蹄，肥瘦適中，惹味開胃👍🏻
之後就緊係主打菜片皮鴨啦～佢無半隻叫，就算你2個人黎都只能硬食一隻！佢安排師傅喺我地面前片隻鴨，熱辣辣幾教力功👏🏻師傅三爬兩撥就片完隻鴨，結果有2大碟。
賣相相當唔錯～我先食一件無夾皮，鴨香味無想像中濃，而且比較油，但夾住d青瓜同醬食感覺就會好d無咁油～可惜嘅係⋯⋯個皮唔啱食🤕
個皮同某d女仔一樣⋯⋯好厚粉🤕凍冰冰的，而且比較硬身，食多塊已經覺得好飽，我個人覺得係一個敗筆，當然佢都有佢嘅捧場客。
隻鴨除左片出黎d肉，其實仲有好多野食，伙記話可以拎翻屋企，或者加錢爆香佢。我地簡左後者，點知出黎有驚喜～京蔥味濃，d鴨肉炒過無咁膩，好香口，個個爭住食～
41 views
0 likes
0 comments
另外，我地仲叫左個招牌菜～燒羊肉😋由於我好中意食羊，所以基本上點整我都ok，反而要讚讚呢個羊肉燒得香脆，羊味都夠，令人食完又想再食😳
33 views
0 likes
0 comments
最後仲有個火腿上湯津白～都係伙記介紹，佢話好清甜好好味，果然無令我失望！火腿唔會咸到食唔到，d津白好嫩好清甜，剛好中和頭先比較油膩嘅肉😋😋😋
說實話，得4個人去可試到嘅菜式唔多，想試埋佢個拔絲香蕉個胃都無哂位了～所以見身邊嘅枱都係10個8個人，如果下次有機會多d人黎，我都有幾多野想試下🤔
Post
