薈軒 (Closed)

最近喜歡左飲下午茶，一來價錢平啲，二來唔駛同人逼，服務態度都會好啲。今次我同同事就去左灣仔合和中心既薈軒。點心紙上有好多唔同種類既點心可以叫。我地就叫左鮮菌餃 (HKD 15.8)，菠蘿叉燒飽 (HKD 18.8)，叉燒米線 (HKD 27.8)，燒腩仔米線 (HKD 27.8)，腸粉孖寶 (叉燒腸加牛肉球, HKD 33.8)，西米布甸 (HKD 17.5)，雙皮奶 (HKD 17.5)。至於茶位 就每位 HKD 10。個鮮菌餃有4隻，用料都算足，味道同潮洲粉果就差唔多。個菠蘿叉燒包味道認真好味，賣相唔錯。叉燒同燒腩仔尚算瘦，唔會太多肥肉，米線就分量適中。孖寶就價錢非常相宜，叉燒腸不過不失，牛肉球就好大個。但係兩個甜品相對失色，雙皮奶一啲都唔滑，個布甸就有蒸過既倒汗水。不過整體黎講，都尚算ok。