露面手工拌麵料理

我見ig, openrice有好多人食白布闊麵，其實唔係好多人食，假日食都唔洗排隊~我期望好高，但實際上，食完我覺得係唔洗特登去食麵。*一人拌麵 $88油潑辣子魯肉Biang Biang麵 麻辣雲耳 蜂蜜百香果茶 (+$6)麵同我想像中有啲出入。Biang Biang麵特別長，有厚度、韌度。醬汁係偏甜，辣度有3小辣咁辣，略為油膩，味道寡啲。魯肉係腩肉肉粒，都係甜為主。麻辣雲耳冇麵汁咁辣，爽脆，普普通通。嫩雞白布湯闊麵 $68雞湯湯頭稀身，後勁飲到奶味，比較普通。雞肉係雪藏貨，普通唔雪味，小棠菜都有份量唔少。闊麵真係好闊~好長~厚身，質地韌、唔滑溜。因為闊麵唔掛湯，所以唔連湯飲只會食到重麵團感嘅麵條。