轉角 (Closed)

晚飯時間剛好在屯門，而又見近來多了不少好評的轉角餐廳，外表裝修有如日本小店，都算吸引。餐廳內座位寬敞，坐下後服務員就熱情地介紹餐牌中的菜式。我倆就選了這裡出名的咖哩豬扒蛋包飯和香辣茄汁大蝦意粉，而跟餐重有兩杯飲品送，我地就各加20蚊點了Virgin Mojito和Pussy Foot等的特色飲品，再點多個咖哩雞肉拼蟹肉薯餅作為頭盤。而雞肉和蟹肉薯餅好快噤就送上，外脆內軟又多肉汁，必食之選。跟住咖哩豬扒蛋包飯和香辣大蝦意粉就已放於枱上。香味都唔錯，熱辣辣的。大蝦意粉買相很有立體感，食落蝦肉帶濃郁香辣和鮮蝦味，意粉都相當掛汁味道唔錯。蛋包飯就一如食評所說不過不失，豬扒如果可以多啲肉汁就更為美味。至於Mocktail雖然無酒精，但都好有Cocktail嘅風味。Virgin Mojito飲落有強烈嘅青檸和薄荷香味，清身可口，而Pussy Foot就顏色好靚和好香士多啤梨味，真係各有特色。最後點了一件美式芝士蛋糕，芝士香滑濃郁回味無窮。正好為這個晚餐劃上一個完美句號。