Video
Read full review
2020-07-24
1829 views
疫情下難得出街食飯所以都有啲要求⋯⋯ 星期五下晝兩點walk in，服務員就安排咗近距離面對升降機位置嘅枱，如果要面對升降機門口進餐真係有啲唔係好舒服，升降機開門閂門唔多唔少會製造氣流，加快飛沫病菌傳播，眼見附近亦都有幾張空枱，兩點過後，大部份客人都差唔多食完，但係服務員話其他空枱都俾人訂咗，呢個時候唔係都仲咁好生意嘛⋯⋯ 後來經理可能察覺到，示意服務員安排我哋想要嗰張枱，食到3點幾，人都走得七七八八，走嘅時候都得返一兩張枱有人，真係有點匪夷所思。第一次嚟，都係因為佢有半價。點咗1kg Laksa Mussels和Almighty Chicken Parma，食物賣相唔錯，分量十足，味道就一般，奇怪嘅係所謂嘅Laksa，只係覺得佢係Thai green curry，料係足嘅，用咗好多Lemongrass，但係真係未見過綠色嘅Laksa囉，完全冇蝦味，叫做泰國綠咖喱就算啦。青口嘅肉比較細，1公斤嘅份量都幾足，食到有幾隻有臭渠味道，有啲亦冇掹走啲海草。薯條就有啲難食，有啲濕，軟瀨瀨，又唔熱又唔脆⋯⋯Almighty Chicken Parma上面啲芝士忠厚過塊雞胸，注意健康嘅就唔好一個人食
第一次嚟，都係因為佢有半價。點咗1kg Laksa Mussels和Almighty Chicken Parma，食物賣相唔錯，分量十足，味道就一般，奇怪嘅係所謂嘅Laksa，只係覺得佢係Thai green curry，料係足嘅，用咗好多Lemongrass，但係真係未見過綠色嘅Laksa囉，完全冇蝦味，叫做泰國綠咖喱就算啦。
青口嘅肉比較細，1公斤嘅份量都幾足，食到有幾隻有臭渠味道，有啲亦冇掹走啲海草。
薯條就有啲難食，有啲濕，軟瀨瀨，又唔熱又唔脆⋯⋯
Almighty Chicken Parma上面啲芝士忠厚過塊雞胸，注意健康嘅就唔好一個人食晒啦⋯⋯
服務員點完餐派完餐就job done，飲完杯啤酒好耐都冇人嚟問要唔要多杯，客人唔多見佢哋又唔係好忙，又木口木面，態度有點兒不進取⋯⋯
雖然話兩碟食物半價，嗌左三杯啤酒，買單都差唔多要$600⋯⋯ 如果正價嘅話要成$900！真係超唔抵啦！
整體來講水準真係好一般，點競爭啊⋯⋯係咁嘅時勢只係能夠做到咁嘅水準，祝你好運囉！
46 views
0 likes
0 comments
Laksa Mussels
24 views
0 likes
0 comments
Post
